Levitiko 23:10 - Mawu a Mulluku

¹⁰ aalleelle Aisraele wi, “Mwavollowa mu ellapo eyo kinaawuuvaheemini ni ohata dda m'matani mwanyu, muwe wa mullupa mukutho ni mutolo wa tirigu awaamba owaraalla mwa ddoohata ddanyu.

Levitiko 23:10 ပူးပေါင်းရင်းမြစ်များ

Eksodo 34:26

“Muweekena ddeko ddaphaama wunchichi dda ddoohata ddanyu ddawaamba dda m'matani mwanyu, onipuroni na mallapello na Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Eksodo 23:19

“Oweekena ddeko ddaphaama wunchichi dda ddoohata ddawo ddawaamba dda m'matani mwawo, onipuroni na mallapello na Apwiya Mullukwaawo. “Ohaapeyeke enama ya musaana a epuri apaalle a enkhosa voopharihellani mutteko mukaka wa amennya.

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Deuteronomo 16:9

“Mweerengeke milungu mitthanu ni miilli ovenyera enthawi eyo mwaambilleenyu omureta tirigu.

Numeri 28:26

“Va nllapo nawaamba na Ehakallallo ya Ddoohata Ddawaamba, Ehakallallo ya Milungu, muvelleelleke wa Apwiya mukutho wa tirigu musha, mweereke mutthukumano woopatuleya nave muhiphareke mutteko.

Ezekiele 44:30

Ddittheddene ddaphaama ddawaamba wiithwa ni va ddoovelleella ddimodda ddikhalleke dda allupa mukutho. Mwaavaheke othwaanyu wawaambeella osilla. Mweera ddiiddo mpa mwanyu muneerokhalla madaliso.

Numeri 15:2

allote ni Aisraele wi, “Mwavollowa mu ellapo eyo kinuuvaheemini,

Levitiko 23:17

Nirive nibanja niweena mitthi miilli dda buledi nave miillinnddo ttuuwaana wonanko yoovelleella yootukhullella muddullu vamiitthoni va Apwiya. Orive mwitthi okhalle wookwakhwana makilogaramu meelli a othu waphaama nave wawoosiwa moottakanyihera ni yisiti wi ddikhalle dda ddoohata ddawaamba ddoovelleella wa Apwiya.

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Eksodo 23:16

“Okhallekettho ni nllapo na Ehakallallo ya Ddoohata Ddawaamba va enthawi yawaamba ohata. Okhallekettho ni nllapo na Ehakallallo Yootthukumaniha Ddoohata ddittheddene va omalla wa muyakha.

Eksodo 22:29

“Ohisellihe ovelleella wa miyaano ddoovelleella ddoovenyera va ddinchichi dda ddoohata ddawo dda vinywaawo ni dda makhuraawo a olivi. “Waavelleellekettho wa miyaano anaawo aallopwana awaamba.

Aroma 11:16

Muthu ammeya buledi amuvelleella wa Mulluku wi eellihiwe, buledi muttheenooyo annakhalla aweella. Nave misisi dda muteekho ddakhalla ddaweella, enthambi ddiwa ddinakhallattho ddaweella.

Levitiko 14:34

“Mwavollowa mu ellapo ya Kanani eyo kinuuvaheemini wi ekhalle yaanyu nave keeriha enyumba wi ekhalle ni enguwi mu ellapwaanyweeyo,

Levitiko 23:9

Apwiya yaallota ni Mose wi

Levitiko 23:11

Mullupa mukutho atukhullelle muddullu mutolooyo vamiitthoni va Apwiya wi nyuwaano mwaakhelliwe. Awutukhullelle muddullu va nllapo noothwarellella namalla nllapo na Sabata.

Rute 1:22

Sika Mmu tti mmo Naomi ahokolloweelleeye ovenyera o Mowabu ni Rute, mvokohaaye Mmowaboolle. Nave yaphiyalle o Betelehemu wulle enthawi yawaamba omuhata tirigu.