Levitiko 22:9 - Mawu a Mulluku

⁹ Sika allupa mukutho esunge malamulwaaka wi ehichimwe nave ehikhwe ekaamba yooripaha malamulwaayo. Mi tti Apwiya ayo enaapatula.

Levitiko 22:9 ပူးပေါင်းရင်းမြစ်များ

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Numeri 18:32

Nave khamuchimwa mwacha ddennddo, mwakhalla wi moovelleella wa Apwiya ddaphaama ddookhwaranya ddittheddene. Sika muhivevulle ddeko ddaweella dda Aisraele wi muhikhwe.’ ”

Numeri 18:22

Waambeella ollello Aisraele ehaatamelleke musasa wamutthukumano wi ehichimwe nave ehikhwe.

Levitiko 22:16

Ahaachimwihe ni waattatthamullella Aisraelaayo voowaakhullellani ocha ddoocha ddoopatuleya. Mi tti Apwiya ayo enaddipatula.”

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Mateyu 23:17

Nyu athu ookarangeya ni oohoona! Ttiivi eri yoopaalleya okhwaranya ekhwiiwa, golide apaalle enyumba ya Mulluku eyo enamweelliha golidooyo?

Levitiko 16:13

Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe.

Levitiko 18:30

Vano iwellani malamulwaaka oovaanyiha ottakiha ddooripihiwa nnddo athu yaddeeriiwa nyuwaano muhinaphiye nave muhiiripihena naari vang'ono. Mi tti Apwiya Mullukwaanyu.”

Deuteronomo 11:1

“Mwaakondeke Apwiya Mullukwaanyu nave enthawi ddittheddene mwiiwellelleke malamulo ni malangizwiiwa mattheene.