Levitiko 22:2 - Mawu a Mulluku

² amulleelle Aroni ni anaaye wi, “Muriiheke ddeko ddoopatuleya nnddo Aisraele enavelleelliiwa wa miyaano woova wi munaaripihe nnddina naka naweella. Mi tti Apwiya.

Levitiko 22:2 ပူးပေါင်းရင်းမြစ်များ

Deuteronomo 15:19

“Asaana aallopwana attheene awaamba a eziweto mwaapatulelle wa Apwiya Mullukwaanyu. Eng'ombe ddenndda muhiddipharihe mutteko nave enkhosannddo muhiddicheme obweya.

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Numeri 18:32

Nave khamuchimwa mwacha ddennddo, mwakhalla wi moovelleella wa Apwiya ddaphaama ddookhwaranya ddittheddene. Sika muhivevulle ddeko ddaweella dda Aisraele wi muhikhwe.’ ”

Levitiko 22:32

Muhinaripiha nnddina naka naweella koma nikhalle naweella variyari va Aisraele. Mi tti Apwiya, ayo enuupatulani.

Levitiko 19:12

Muhinallupella mu nnddina naka mwawoottha ni oripiha nnddina na miyaano mullukwaanyu vaweerani ddiiddo. Mi tti Apwiya.

Eksodo 28:38

Enthawi ddittheddene ekhalle vayuuchini va Aroni wi olliyooyo iireye ddoolakweya ddittheddene dda va ddoovelleella dda Apwiya nnddo Aisraele enaddipatuliiwa wi Apwiyaayo eddaakhelle ddoovelleella dda athunnddo.”

Eksodo 13:12

mumuvelleelleke wa Apwiya arive nankhoro awaamba. Anankhoro awaamba a eziweto ddanyu tti a Apwiya.

Levitiko 21:6

Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 15:31

“Sika mwaachenjeze Aisraele dda oripihiwa wiwa wi ehikhwe ekaamba yaweera machimo ooripiha musasaaka oyo ori variyari vanyu.”

Levitiko 22:1

Apwiya yaallota ni Mose wi

Ezara 8:28

Nave kahaalleella wi, “Nyu tti oopatulelliwa wa Apwiya navettho eziwiya ddittheddene dda siliva ni golide ddoovelleelliwa mwa opaalla. Nave siliva ni golide tti ddoovelleelliwa moohiwatiheriwa wa Apwiya Mulluku a makhollwaanyu.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Ezekiele 44:8

Munipuroni mwawi nyuwaano mupwatheke ddeko ddaka ddoopatuleya, mwaatthoollille alletwaalla wi ewehereke.’