Levitiko 22:18 - Mawu a Mulluku

¹⁸ amulleelle Aroni ni anaaye ni Aisraele attheene wi, “Arive Muisraele apaalle mulleto ookhalla variyari vanyu awaana mukutho moollupella apaalle mwa opaalla waye wi okhalle mukutho wooshellelliha,

Levitiko 22:18 ပူးပေါင်းရင်းမြစ်များ

Deuteronomo 12:6

wi mwavelleelleke mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella dda opaalla wanyu, ddoovelleella ddoollupella, emphaso ddanyu ni ddoovelleella dda anamwani awaamba a eziweto.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Levitiko 1:2

allote ni Aisraele wi, “Arive muthu aawaaka wa Apwiya wi avelleelle mukutho, akuseke eng'ombe apaalle enkhosa apaalle epuri.

Mitteko 18:18

Paulo amallihalle okhalla ni ookhulupilila a o Korinto wa mallapo manchichi ahaahiya awella ekallawa ni Prisila ni Akwila eya o Siriya. Ahinawelle ekallawa o Kenkrea, Paulo aachema meehaaye kaambiiwa aallupella wa Mulluku.

Nahumu 1:15

Ngoona, omwaangoni onawa oollalleya othenga waphaama, anatthopoolla dda murendelle. Nyu a o Yuda musungeke mallapo eehakallallo, mweereke nnddo mwallupenlleenyu. Oonanara khewa yuuhellakanittho ekhoto vawi eneerotthollosiwa.

Yona 2:9

Koma mi kineerovelleella moororomelleya mikutho ddaka wa Apwiya ni mawu oothokoza.’ ”

Yona 1:16

Vawoonani ddoottikhinihandda, aweetiha echombwaalle yaawoova wunchichi Apwiya. Vano yaalonjeza ovelleella moororomelleya ddeko yallupenlliiwa wa Apwiya.

Oollalleya 5:4

Wallupella ello wa Mulluku ohinasellihaka oyeera vawi Mulluku khanahakallalla ni ddookarangeya. Nnddo oddillupenlleewe oddeere.

Masalimo 116:18

Kineereweera nnddo kallupenlleemi wa Apwiya vamiitthoni va athwiiwa attheene,

Masalimo 116:14

Kineereweera nnddo kallupenlleemi wa Apwiya vamiitthoni va athwiiwa attheene.

Masalimo 66:13

Kineeroowa onyumbani wanyu ni mukutho wooshellelliha, kineereweera nnddo kallupenlleemi wa nyuwaano,

Masalimo 65:1

Nyu Mulluku, athu eneerekewuutitimihani o Ziyoni, ddawoona, eneereweera nnddo yallupenlliiwa wa nyuwaano.

Masalimo 61:8

Sika enthawi ettheene kineerewiipa machipo awuutitimihani, nllapo ni nllapo kineerekeweera nnddo kallupenlleemi.

Masalimo 61:5

Nyu Mulluku, mohiiwa nnddo killupenlleemi, mookivaha yaakayaaka eyo enaakhella athu oowoovani.

Masalimo 56:12

Nyu Mulluku, kinapaalla weera nnddo kallupenlleemi wa nyuwaano, kineerovelleella mukutho woothokoza wa nyuwaano.

Masalimo 22:25

Kineerewuutitimihani va mutthukumano muullupalli ekaamba ya nnddo mukeerelleenyu. Ddittheddene kalonjezilleemi kineeroddeera vamiitthoni va attheene enawoovani.

Deuteronomo 16:10

Vano mweere Ehakallallo ya Ddoohata, yawaatitimihana Apwiya Mullukwaanyu voovelleellani mwa opaalla wanyu moollikana ni madaliso ayo yuuvahilleewani.

Deuteronomo 12:17

Muhicheke m'mizi ddanyu yaneekhumi ya tirigwaanyu, ya vinywaanyu apaalle ya makhuraanyu a olivi. Wenkottho muhicheke erive ello eyo muvelleelleenyu wa Apwiya monga anamwani awaamba a eziweto ddanyu, ddoovelleella ddanyu ddoollupella, ddoovelleella dda opaalla wanyu apaalle emphaso ddanyu nnddo mulonjezilleenyu ovelleella wa Apwiya.

Levitiko 23:38

Muvelleelle ddennddo ni mikutho dda va nllapo na Sabata na Apwiya, emphaso ddanyu, mikutho ddanyu ddittheddene ddoollupellella ni mikutho ddanyu ddittheddene dda opaalla wanyu nnddo munaddivelleelleenyu wa Apwiya.

Levitiko 17:13

Nave Aisraele attheene apaalle mulleto ookhalla variyari vanyu oyo aniipha enama apaalle epallame nnddo yaakhullelliwiiwa oddicha, etathille nikhame niwa nave enivuhellelle ni ethaya.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 7:16

“Koma mukuthooyo awuvelleella moollupella apaalle mwa opaalla waye, ayiche va nllapo nno anavelleelleeye mukuthooyo. Nave enama yoohalla ayiche waasaka wene.

Levitiko 1:10

“Mukutho wooshellellihooyo wakhalla wa enkhosa apaalle epuri, akhalleke nankhoro oohirakalla.

Eksodo 12:5

Mwaanaankhosa apaalle musaanaapuri akhalle ohirakalla, aamullopwana navettho a muyakha mmodda. Ttuuwora waatthoollattho anamwani a epuri.

Levitiko 22:17

Apwiya yaallota ni Mose wi

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

2 Epilli 31:14

Kore mwaana a Imina Mulevi, mulonda a va mullako wa wookhuma nndduwa sika awehera ddoovelleella ddoohiwatiheriwa wi addikaweke ddawaaphwanella Apwiya ni mikutho ddaweellesesa.