Levitiko 21:9 - Mawu a Mulluku

⁹ Nave mwaana aamutthiyana a mullupa mukutho iiripiha vookhallani ooraruwa, annaaripiha attiitthinnya. Vano mwaanooyo emushellellihe.

Levitiko 21:9 ပူးပေါင်းရင်းမြစ်များ

Genesis 38:24

Viviralle miyeri miraru, muthu mmodda aamulleella Yuda wi, “Mvokohaanyoolla Tamara oheera wonanko hule nave ookusa erukullu yavahakani.” Nave Yuda aalamula wi, “Khaweni mwamuphare nave mwamoose viikho wi akhwe.”

Levitiko 19:29

“Muhimuripihe mwaninyu aamutthiyana voomutthattusani mutthiyana ooraruwa wi ellapo ehitthattuwe ya athu ooraruwa ni oonanara wunchichi.

Tito 1:6

muullupalli ahikhalle ni yookayikella, akhalleke ni mwaariye mmoddave nave anaaye ekhalle ookhulupilila ni oohikhalla ni epilli ya machimo naari oohiiwellella.

Malaki 2:3

Ngoonani, kineerollaka edduullu ddanyu nave kineerewuumarani owiitthoni mashi a eziweto dda mikutho dda ehakallallo ddanyu nave muneerowollelliwa nimodda.

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

1 Samuele 2:34

Wi odduwelle ddawi kinalloteeminndda tti ddawoona. Anaawo eelli Hofini ni Finehasi enaakhwe nllapo nimodda.

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.

Yoswa 7:25

Vano Yoswa aallota wi, “Onikatamihelle tini? Apwiya eneerewuuhoosa ollello!” Vano Aisraele attheene yaamuvokha malluku, yaahella munllo, yaavokha malluku.

Yoswa 7:15

Oyo anaaphwanyeye ni ddeko ddennddo aneerewoosiwa ni nibanja naye nittheene ni ddittheddene nnddo ariiyena kaambiiwa aatathilla echipangano ya Apwiya nave kaambiiwa aheera yoowulliha muru mu Israele.”

Levitiko 20:14

Muthu amutthella mutthiyana, aatthellattho amennya a mutthiyanooyo wenko tti weera ello yoonanara wunchichi. Attheenaayo enaphwanella eshellellihiwe, mullopwanooyo ni atthiyanaayo wi ello yoonanara wunchichi yawi ddiidda ehiphwanyeye variyari vanyu.

Eksodo 31:14

Sika musungeke Sabata, kaambiiwa tti noopatuleya wa nyuwaano. Arive muthu oohiisunga, iiphiwe. Arive muthu oophara mutteko va nllapo nenno avenyihiwe variyari va athwaaka.

Deuteronomo 22:21

vano emuyeena va mullako wa attiitthinnya. Nave allopwana a m'muzindammo emwiiphe voomuvokhani malluku ekaamba yawi aheera ello yoowulliha muru mu Israele vooraruwani ari mpa mwa attiitthinnya. Sika mwawi ddiidda muneerovenyihavo yoonanara variyari vanyu.