Levitiko 21:6 - Mawu a Mulluku

⁶ Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.

Levitiko 21:6 ပူးပေါင်းရင်းမြစ်များ

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Levitiko 3:11

Vano mullupa mukutho ashellellihe ddittheddenennddo vanikuwani wi okhalle mukutho wa othu wawoosiwa viikho woovelleelliwa wa Apwiya.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Ezara 8:28

Nave kahaalleella wi, “Nyu tti oopatulelliwa wa Apwiya navettho eziwiya ddittheddene dda siliva ni golide ddoovelleelliwa mwa opaalla. Nave siliva ni golide tti ddoovelleelliwa moohiwatiheriwa wa Apwiya Mulluku a makhollwaanyu.

Levitiko 21:8

Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella.

Levitiko 19:12

Muhinallupella mu nnddina naka mwawoottha ni oripiha nnddina na miyaano mullukwaanyu vaweerani ddiiddo. Mi tti Apwiya.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Eksodo 28:36

“Opangettho malluwa agolide aphaama, ogobevo wonanko echidindo mawu awi, ‘Yoovelleelliwa wa Apwiya.’

Eksodo 19:22

“Naari allupa mukutho ayo enaaphiye vakhuviru ni miyaano eddeellihe weekhiiwa, woova wi kinaallake.”

Levitiko 21:17

allote ni Aroni wi, “Arive muthu a edduullu ddawo a mibado ddittheddene oyo arakanlle ahiwe wi aheraatthi mukutho wa Mullukwaaye.

Levitiko 21:21

Vihikhalle naari mmodda a edduullu dda Aroni oyo arakanlle anaasuselle vakhuviru ni nikuwa wi aheraatthi mukutho wawoosiwa viikho wa mi Apwiya ekaamba ya orakalla waye ahaatamelle vakhuviru ni nikuwa wi avelleelle ddoocha dda Mullukwaaye.

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 21:23

Koma ahiwe vakhuviru ni ekatani apaalle osusera va nikuwa kaambiiwa oorakalla woova wi anaaripihe ddeko ddaka ddaweellihiwa oopatuleya. Vawi mi tti Apwiya ayo yapatulalle ddeko ddenndda.”

Numeri 16:5

Vano aamulleella Kora ni mullokwaaye muttheene wi, “Osiisello ohinase Apwiya enoonihelle oyo ari ayiwayiwa navettho oyo ari aweella nave eneeromulleella wi awe vakhuviru ni alliwa. Muthu oyo Apwiya enaamutthoolliiwa eneeromuphiyiha vakhuviru.

Numeri 28:2

aalamule Aisraele wi, “Mooneseseke wi munnavelleella munthawini mwiwa wa miyaano ddoovelleella ddaka, yoochaaka ya mikutho ddawoosiwa viikho dda nthuko nookiddivella.