Levitiko 20:6 - Mawu a Mulluku

⁶ “Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Levitiko 20:6 ပူးပေါင်းရင်းမြစ်များ

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Yesaya 8:19

Vano athu eneerewuulleellani wi, “Khaweni mwakohe wa oollota ni minepa ni wa awoombesa ayo enamwinlla namame nngu etokollollaka. Ethiyo athu khenaveka ezeru wa athu a milluku ddiwa? Ethiyo athu ennaya wa ookhwa wi yaavekella ezeru athu ookumi,

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Numeri 15:39

Manyenje yaayo mwawoona muupuwelleke malamulo mattheene a Apwiya wi muwiiwellelleke nave muhinathwaraka ddoopaalla dda murimaanyu apaalle dda miitthwaanyu nnddo ddinaweerihani wi muhiroromelleyeke.

Levitiko 19:26

“Muhiche enama eri ni nikhame, Muhoombeseke makhanga apaalle weera ddookhwiri.

Mitteko 16:16

Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

Eksodo 22:18

“Muthu aamutthiyana oweera ddookhwiri, iiphiwe.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 20:5

miyaano kineeromureya etulli yooyo ni nibanja naye nittheene. Kineerewaavenyiha variyari va Aisraele akhwiiwa ni attheene enaddoonihella ohiroromelleya wa miyaano voomullapellani Moleki.

Yeremiya 44:11

“Ekaamba ya yeella Apwiya Amasiva Mattheene, Mulluku a Israele, enallota wi, ‘Koosimikiza oweerella ddoonanara ni waatthollosa athu a o Yuda.

Eksodo 22:17

Koma attiitthinnya a namwallooyo yakhoota wi muthooyo ahimutthelle mwaniwooyo, muthooyo aneerollivellave makobiri anaalamuliweeye.