Levitiko 20:3 - Mawu a Mulluku

³ Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 20:3 ပူးပေါင်းရင်းမြစ်များ

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Ezekiele 5:11

“Ddawoona, mi Apwiya Mulluku Ookumi kinimallupella vamiitthoni vaka wi kineerowoonongani vawi mwaaripiha enyumbaaka ni ddeko ddanyu ddinchichi ddoonanara. Vano ngiweerellani echifundo, nguumorellani ethakaraka naari vang'ono.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Ezekiele 20:39

“Koma nyu Aisraele, mi Apwiya Mulluku kinallota wi, ‘Khaweni mwarumeyelle mafanwaanyu! Koma vatulli viwa muneerokiiwellellattho nave khamuwa muripiha nnddina naka naweella voovelleellani emphaso wa mafanwaanyu!

Numeri 19:20

“Koma muthu ooripihiwooyo aahiddeelliha avenyihiwe variyari va Aisraele vawi ooripiha nipuro noopatuleya na Apwiya. Olliye tti ooripihiwa ekaamba yawi khemmiddalle maaddi aweellihella.

Levitiko 15:31

“Sika mwaachenjeze Aisraele dda oripihiwa wiwa wi ehikhwe ekaamba yaweera machimo ooripiha musasaaka oyo ori variyari vanyu.”

1 Petro 3:12

Miittho a Apwiya eri va oolungama, maarwiiwa ennaapella mavekellwiiwa koma ennaananariwella aweera ddoonanara.”

Levitiko 20:4

Athu yakhalla wonanko khenamoona muthooyo amuheraatthiki mmodda mwa anaaye wa Moleki, emuhiya woohimwiipha,

Numeri 19:13

Oyo anaattannye mutembo nave aahiddeelliha, muthu yooyo anaripiha musasa wa Apwiya, sika aneerovenyihiwa variyari va Aisraele. Aneerokhallave ooripihiwa ekaamba yawi khamiddiwe maaddi aweellihella.

Eksodo 30:33

Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Levitiko 7:20

Koma oyo aripihiwe ayicha enameeyo, avenyihiwe variyari va Aisraele.

Levitiko 7:21

Nave arive muthu attannya erive ello yooripihiwa, khaya ya muthu apaalle ya enama apaallettho erive ello yooripihiwa nave achana yoocha ya mukutho wa eyaattano woovelleelliwa wa Apwiya, muthooyo avenyihiwe variyari va Aisraele.”

Levitiko 19:12

Muhinallupella mu nnddina naka mwawoottha ni oripiha nnddina na miyaano mullukwaanyu vaweerani ddiiddo. Mi tti Apwiya.

Levitiko 21:6

Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.