Levitiko 20:27 - Mawu a Mulluku

²⁷ “Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Levitiko 20:27 ပူးပေါင်းရင်းမြစ်များ

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Eksodo 22:18

“Muthu aamutthiyana oweera ddookhwiri, iiphiwe.

Mitteko 16:16

Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

Levitiko 20:2

aalleelle Aisraele wi, “Arive Muisraele apaalle mulleto ookhalla variyari vanyu aaheraatthi mukutho anaaye wa mulluku Moleki, iiphiwe, athu attheene emuvokhe malluku.

Levitiko 24:14

“Omukhumihe omisasaninko muthu ootembelelooyo. Attheene ayo yiiwalle atembelelaka etthinddaanyere mattiiwa vamuruni vaye, osimikiza wi tti oochimwa nave athu attheene emuvokhe malluku.

Numeri 15:35

Vano Apwiya yaamulleella Mose wi, “Muthooyo iiphiwe. Aisraele attheene emuvokhe malluku otte wa misasa.”

Deuteronomo 21:21

Vano athu a m'muzindanimmo emwiiphe voomuvokhani malluku nave mwawi ddiidda muneerovenyihavo yoonanara variyari vanyu. Aisraele attheene eneerewiiwa ddenndda nave eneerewoova.”

1 Samuele 28:3

Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.

2 Epilli 33:6

Nave ahaavelleella anaaye aallopwana wi ekhalle mukutho wooshellelliha va ntapo na Mwaana a Hinomu nave aaneera dda masenga ni woombesa makhanga ni wiiwanana ni athu oollota ni minepa navettho ni akhwiri. Aheera ddoonanara ddinchichi vamiitthoni va Apwiya nnddo aashihalleeyena murima.