Levitiko 20:2 - Mawu a Mulluku

² aalleelle Aisraele wi, “Arive Muisraele apaalle mulleto ookhalla variyari vanyu aaheraatthi mukutho anaaye wa mulluku Moleki, iiphiwe, athu attheene emuvokhe malluku.

Levitiko 20:2 ပူးပေါင်းရင်းမြစ်များ

Deuteronomo 21:21

Vano athu a m'muzindanimmo emwiiphe voomuvokhani malluku nave mwawi ddiidda muneerovenyihavo yoonanara variyari vanyu. Aisraele attheene eneerewiiwa ddenndda nave eneerewoova.”

Levitiko 24:23

Mose ahaalleella ddenndda Aisraele nave alliwa yaamukhumiha muthu ootembeleloolle omisasani, emuvokha malluku. Sika Aisraele yaheera nnddo Apwiya yamulamulalliiwa Mose.

Levitiko 24:14

“Omukhumihe omisasaninko muthu ootembelelooyo. Attheene ayo yiiwalle atembelelaka etthinddaanyere mattiiwa vamuruni vaye, osimikiza wi tti oochimwa nave athu attheene emuvokhe malluku.

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Mitteko 7:43

Mwaatukhulla musasa woomullapellamo mulluku Moleki ni etheneeri ya mullukwaanyu Refani, nndda ddaari mafano moopilleenyu wi muddillapelleke. Sika kineerewuurumihani wa ellapo yaaneena ohiyana ni o Babiloni.’

Ezekiele 23:39

Yaavelleellille aniiwa mukutho o mafanwiiwa, enthawi yeeyo yaavollowa mu enyumbaaka yaweella eyiripiha. Ngoonani, ddenndda sika yeerilliiwa mu enyumbaaka.”

Ezekiele 23:37

Yaararuwa nave yaawiipha athu. Yaararuwa voollapellani mafanwiiwa nave anaaka yakiyarelliiwa yahaavelleella wa mafano wonanko mukutho wa yoocha.

Ezekiele 20:31

Mwaawaaka ni emphaso ddanyu ni waavelleella aniinyu wi ekhalle mukutho wooshellelliha, munniiriipiha voorumeyellani mafanwaanyu manchichi ophiyera ollello. Nyu Aisraele, kinaawaakhullelleni mwawiidde wi muveke ezeru. Mi Apwiya Mulluku kinimallupella wi ngaakhullella wi muveke wa miyaano.

Ezekiele 20:26

Kahaahiyerera wi yiiripihe ni mikutho vawaavelleellani aniiwa awaamba. Kaheera ddenndda wi ellakallakeye nave edduwelle wi mi tti Apwiya.”

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Masalimo 106:38

Yaamoriha nikhame noohichimwa, nikhame na aniiwa aallopwana ni aatthiyana ayo yaavelleelliiwa mukutho wa mafano a o Kanani, sika yaaripiha ellapweeyo ni nikhame.

2 Epilli 33:6

Nave ahaavelleella anaaye aallopwana wi ekhalle mukutho wooshellelliha va ntapo na Mwaana a Hinomu nave aaneera dda masenga ni woombesa makhanga ni wiiwanana ni athu oollota ni minepa navettho ni akhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Epilli 28:3

nave aanoosa lubani* vantaponi na mwaana a Hinomu nave ahaavelleella anaaye aallopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

2 Mamwene 23:10

Mwene Yosiya ahoonongattho nipuro namukutho na Tofeti eyo yaari mu ntapo na anamwani a Hinomu wi arive muthu ahimuvelleelle mwanaye aamullopwana apaalle aamutthiyana wi okhalle mukutho wa Moleki.

2 Mamwene 17:17

Yaanaavelleella mukutho aniiwa aallopwana ni aatthiyana nave yaanoombesa makhanga, yaaneerattho ddookhwiri. Yahiivelleella weera ddoonanara vamiitthoni va Apwiya ni waashiha murima.

Deuteronomo 18:10

Variyari vanyu vihikhalle oomuvelleella mwanaye aamullopwana apaalle aamutthiyana vamunlloni wonanko mukutho, awoombesa apaalle oollohella ddamuhoollo apaalle oophariha mutteko manyaka apaalle ezitumwa. Vihiphwanyeyettho ooveka ezeru wa minepa dda athu ookhwa.

Deuteronomo 12:31

Muhaallapelleke Apwiya Mullukwaanyu, moophwanaphwana ni mmo alliwa enallapellelliiwa milluku ddiwannddo. Alliwa enneera ddoonanara ddawoopiha ddinchichi ddawiitana ni Apwiya vawi ennaashellelliha aniiwa aallopwana ni aatthiyana vamunlloni vawaavelleellani wa milluku ddiwa.

Levitiko 17:15

Arive muthu oocha ello yookhwa weekhiiwa apaalle yoottakhuniwa ni enama yawoopiha yamuhakani naari ari Muisraele apaalle mulleto, achape ddoowara ddaye nave ahape koma akhalleve ooripihiwa ophiyera misikuwa nave vatulli viwa eneerokhalla aweellihiwa.

Levitiko 17:13

Nave Aisraele attheene apaalle mulleto ookhalla variyari vanyu oyo aniipha enama apaalle epallame nnddo yaakhullelliwiiwa oddicha, etathille nikhame niwa nave enivuhellelle ni ethaya.

Levitiko 17:8

Waalleelle wi, “Arive Muisraele apaalle mulleto oyo ari variyari viwa, oovelleella mukutho wooshellelliha apaalle orive mukutho,

Levitiko 20:1

Apwiya yaallota ni Mose wi

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.

Levitiko 24:16

Oovevulla nnddina na Apwiya khaya tti Muisraele apaalle mulleto iiphiweke voovokhiwani malluku ni Aisraele attheene.’

Deuteronomo 17:2

“Apaalle mu ellapo eyo Apwiya Mullukwaanyu yuuvahilleewani ttuuphwanyeya mullopwana apaalle mutthiyana mmodda oyo eerille ddoonanara vamiitthoni va Apwiya Mullukwaanyu,

Deuteronomo 22:21

vano emuyeena va mullako wa attiitthinnya. Nave allopwana a m'muzindammo emwiiphe voomuvokhani malluku ekaamba yawi aheera ello yoowulliha muru mu Israele vooraruwani ari mpa mwa attiitthinnya. Sika mwawi ddiidda muneerovenyihavo yoonanara variyari vanyu.