Levitiko 2:16 - Mawu a Mulluku

¹⁶ Vano mullupa mukutho ashellellihe echigawo ya ddoosilleyanndde ni ya makhura navettho lubanaaye muttheene, wooniha wi mukutho muttheenooyo woovelleelliwa wa Apwiya. Yooyo tti mukutho wawoosiwa viikho, woovelleelliwa wa Apwiya.

Levitiko 2:16 ပူးပေါင်းရင်းမြစ်များ

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Levitiko 2:12

Piillinnddo ttuuwaana wonanko mukutho wa ddoohata ddawaamba ddoovelleelliwa wa Apwiya. Koma ahinaddishellelliha vanikuwani wi ddikhalle ni nthuko nawaaddivella Apwiya.

Levitiko 2:9

Vaavo mullupa mukuthooyo akusewo echigawo emodda wooniha wi mukutho muttheenooyo woovelleelliwa wa Apwiya, vano awushellellihe vanikuwani. Yooyo sika mukutho wawoosiwa viikho, wa nthuko nawaaddivella Apwiya.

Levitiko 2:14

Aavelleellaka wa Apwiya mukutho wa ddoohata ddawaamba, mukuthooyo okhalle wa tirigu anaanweene awaarika nave oosilleya.

Levitiko 2:15

Nave awuhelle makhura ni lubani nave yooyo sika mukutho wa othu.

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”