Levitiko 2:14 - Mawu a Mulluku

¹⁴ Aavelleellaka wa Apwiya mukutho wa ddoohata ddawaamba, mukuthooyo okhalle wa tirigu anaanweene awaarika nave oosilleya.

Levitiko 2:14 ပူးပေါင်းရင်းမြစ်များ

Levitiko 23:10

aalleelle Aisraele wi, “Mwavollowa mu ellapo eyo kinaawuuvaheemini ni ohata dda m'matani mwanyu, muwe wa mullupa mukutho ni mutolo wa tirigu awaamba owaraalla mwa ddoohata ddanyu.

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

1 Akorinto 15:20

Koma yawoona tti yawi Khrisitu oovenyihiwa wa ookhwa wi akhalle awaamba wa ayo enaavenyihiwe.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Numeri 28:2

aalamule Aisraele wi, “Mooneseseke wi munnavelleella munthawini mwiwa wa miyaano ddoovelleella ddaka, yoochaaka ya mikutho ddawoosiwa viikho dda nthuko nookiddivella.

2 Mamwene 4:42

Nllapo nimodda muthu oovenyera o Baala Shalisha aawa wa Elisha amukuselle mitthi 20 dda buledi a barele oowaapeyiwa ni ddoohata ddanaanweene ni mmiddo wa tirigu anaanweene. Ddittheddenenndda additukhullelle munthumbani mwaye. Vano Elisha aamulleella wi, “Akawelle athu wi eche.”

Deuteronomo 26:2

arive muthu mwa nyuwaano ddoohata nnddo aneereeye addiphwanyeke akusekewo ddawaamba ni oddihiya munidenguni. Nave ayeekena o nipuro noollapellavo nno Apwiya Mullukwaanyu yatthoollilliiwa.

Levitiko 23:20

Mullupa mukutho amutukhullelle muddullu buledi a ddoohata ddawaamba ni a anankhoro a enkhosa eellaalle wa Apwiya. Mikutho ddenndda tti ddoopatuleya wa Apwiya nave tti dda allupa mukutho.

Levitiko 22:29

Mwaavelleellaka mukutho woothokoza wa Apwiya, muyivelleelle mu ettilla yawi yaakhelliwe.

Genesis 4:3

Viviralle enthawi, Kaini aakusavo ezipaso allimalleeye, aaharaatthella mukutho Apwiya.

Levitiko 2:15

Nave awuhelle makhura ni lubani nave yooyo sika mukutho wa othu.

Levitiko 2:16

Vano mullupa mukutho ashellellihe echigawo ya ddoosilleyanndde ni ya makhura navettho lubanaaye muttheene, wooniha wi mukutho muttheenooyo woovelleelliwa wa Apwiya. Yooyo tti mukutho wawoosiwa viikho, woovelleelliwa wa Apwiya.

Levitiko 23:13

Mukutho wa othu waphaama ni enkhoseeyo okhalle makilogaramu meelli a othu waphaama woottakanyihera ni makhura wi okhalle mukutho wawoosiwa viikho, wa nthuko nawaaddivella Apwiya. Nave muvelleelle mukutho wayoowirya yookwakhwana lita nimodda ni enkhoseeyo.