Levitiko 2:1 - Mawu a Mulluku

¹ “Arive muthu aawaaka wa Apwiya wi avelleelle mukutho wa othu, mukuthooyo okhalle wa othu waphaama. Othooyo awuhelle makhura ni lubani,*

Levitiko 2:1 ပူးပေါင်းရင်းမြစ်များ

Yawuupullulla 8:3

Mungelo mmodda ookhalla ni embale ya golide aawa iimella va nikuwa na mukutho. Aavahiwa lubani munchichi wi aanjerere vamodda ni mavekello a athu a Mulluku ni wi aheraatthi va nikuwa nagolide nno niimenlle vamiitthoni va mpando woomwene.

Yesaya 66:20

Nave eneerowaana abalaanyu attheene ovenyera wa athu a mitundu ddimodda wi ekhalle emphaso wa miyaano. Eneerowaana o mwaangwaaka waweella o Yerusalemu abalaanywaayo yaawellihalle va akavalo, abulu, ekamira,* magareta ni machira. Eneerowaana wonanko Aisraele yaawaakana ddoovelleella dda yoocha o enyumba ya Mulluku, addikusalle mu embale ddoopatuleya.

Levitiko 9:17

Avelleellatho mukutho wa othu, avahullawo mukuthooyo wooddalla nnatta nimodda ashellelliha vanikuwani, woonjerera va mukutho wooshellelliha woohinase.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Numeri 7:19

Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

Yohane 6:35

Yesu ahaalleella wi, “Mi tti buledi oovaha okumi; oyo anawa wa miyaano khavolliwattho ettalla nave oyo anakikhulupilila miyaano khavolliwattho nthona.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Numeri 7:13

Avelleellille embale emodda ya siliva yoollemella nikilogaramu nimodda ni hafu, mwanambale mmodda a siliva oollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

Eksodo 29:2

Omukusettho buledi oohikhalla ni yisiti, buledi oohikhalla ni yisiti oottakanyihera ni makhura navettho buledi oohikhalla ni yisiti ooshashaalla oomara makhura. Ddenndda oddipange ni othu waphaama watirigu.

Yowele 1:9

Mikutho dda ddoocha ni dda ddoowirya khaddinavelleelliwa o enyumba ya Apwiya. Allupa mukutho eniminlla, oorumeyella a Apwiya.

Levitiko 5:11

“Koma muthu aahikhallana manddiya meelli apaalle ekhunda piilli, awe ni othu waphaama wookwakhwana kilogaramu nimodda wi okhalle mukutho woopepesella nichimo nno aneerilleeye. Ahihellemo makhura apaalle lubani* kaambiiwa yooyo tti mukutho woopepesella machimo.

Numeri 8:8

Vano alliwaayo emukuse mwaana a eng'ombe aamullopwana ni ddoovelleella dda mukutho wa othu waphaama woottakanyihera ni makhura. Weyaano omukuse nankhoro mwaana a eng'ombe mmodda oovelleellella mukutho woopepesella machimo.

Numeri 18:9

Mwa ddoovelleella ddaweellesesa wonanko mukutho wa othu, mukutho woopepesella machimo ni mukutho woolliva nnddo ehidoosilliiwa vanikuwani ddikhalle ddaawo ni anaawo.

Numeri 28:5

Muvelleelleke ekilogaramu emodda ya othu waphaama woottakanyihera ni lita nimodda na makhura.

Numeri 29:18

Muvelleellettho mukutho wa othu ni wa yoowirya va anankhoro a eng'ombe, va anankhoro a enkhosa ni va asaanankhosaalle moollikana ni echiwerengero ya enamannddo ni malangizwiiwa.

Yesaya 43:23

Khawaavelleelle wa miyaano enkhosa wi ddikhalle ddoovelleella ddooshellelliha, khawaakititimihalle ni mikutho ddawo. Nguullemenlle vawuuvekani ddoovelleella ddawo, nguutopihalle vawuuvekani lubani.*

Levitiko 6:7

Mwawi ddiidda aheraatthi mukutho wa olliva machimo ekaamba ya nichimo na muthooyo nave aneerokhululukelliwa machimwaaye mattheene.”

Levitiko 9:4

Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”

Levitiko 14:10

“Va nllapo naneetthanu ni raru, muthooyo aakuse anamwani a nankhoro a enkhosa eelli oohirakalla, mwaanaankhosa aamutthiyana mmodda oohirakalla amuyakha mmodda, yoovelleella ya othu waphaama woollemella makilogaramu mararu woottakanyihera ni makhura navettho makhura ookwakhwana nimodda mwa magawo mararu a nilita.

Levitiko 24:7

Orive muzere muhiyevo lubani* naphaama wi ekhalle echikumbuso yawi buledooyo tti oopatuleya wa Apwiya.

Ezekiele 46:20

“Nenna tti nipuro nno allupa mukutho enaapeyekiiwawo mikutho woopepesella ni ddoolliva. Wenkottho sika enaawoosellekiiwawo ddoovelleella dda yoocha. Khekhumakana ddaweellanndda o nthato na otte woova wi eneerewaavalliha weellanko athu amodda.”