Levitiko 19:5 - Mawu a Mulluku

⁵ “Mwaavelleellaka mukutho wa eyaattano wa mi Apwiya, mweereke ddawi mukuthwaanyu waakhullelliwe.

Levitiko 19:5 ပူးပေါင်းရင်းမြစ်များ

Levitiko 22:29

Mwaavelleellaka mukutho woothokoza wa Apwiya, muyivelleelle mu ettilla yawi yaakhelliwe.

Levitiko 7:16

“Koma mukuthooyo awuvelleella moollupella apaalle mwa opaalla waye, ayiche va nllapo nno anavelleelleeye mukuthooyo. Nave enama yoohalla ayiche waasaka wene.

Levitiko 22:19

mukuthooyo oneerewaakhelliwa wakhalla enama yaamullopwana yoohirakalla, eng'ombe apaalle enkhosa apaalle epuri.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Ezekiele 46:12

Mwene aapaallaka ovelleella mwa opaalla waye wa Apwiya monga mukutho wooshellelliha apaalle mikutho ddeeyaattano, emuhullelleke mullako wa wookhuma nndduwa. Avelleelle mukuthwaaye wooshellelliha ni mukuthwaaye wa eyaattano wonanko aneerelleeye nllapo na Sabata. Amalliha akhume nave akhuma mullako owalliwe.”

Ezekiele 46:2

Mwene avolloweke oweella mu nikhote namuwari ovenyera vaatte nave iimelle vakhuviru ni opoto a va mullako. Allupa mukutho evelleelle mukutho wooshellelliha ni wa eyaattano. Mwenooyo allapelle va nikhote nave akhume. Koma mullakooyo ehiwuwalle ophiyera misikuwa.

2 Epilli 31:2

Hezekiya aakeraatthihattho milloko dda allupa mukutho ni Alevi wi ephareke mitteko dda mikutho ddooshellelliha, mikutho ddeeyaattano, ollalleya m'millako dda enyumba ya Apwiya ni waathokoza ni waatitimiha Apwiya.

Levitiko 22:23

Ttuuvelleella enama eyo erakamille apaalle ekhuveyille mweto mmodda wakhalla mukutho wa opaalla waye koma wakhalla mukutho woollupella tti woohaakhullelliwa.

Levitiko 22:21

Muthu avelleella mukutho wa eyaattano wa Apwiya wi eere nnddo moollupella apaalle mwa opaalla waye nave yakhalla eng'ombe apaalle enkhosa apaalle epuri ekhalle yoohirakalla.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Levitiko 19:4

Muhinahokollweella o mafano apaalle wiipangella milluku dda mikoko. Mi tti Apwiya Mullukwaanyu.”

Levitiko 19:6

Muwuche nllapo nenno muwuvelleelleenyu apaalle waasaka wene koma wahalla ophiyera omuroto muwushellellihe.

Levitiko 7:18

Muthu ayicha enama ya mukutho wa eyaattanooyo va nllapo naneeraru, Mulluku khemwaakhella oyo awuvelleellooyo. Nave mukuthooyo khophura ello koma onaakhalle ello yooripihiwa nave oyo anaachooyo aneerophwanella ollakiwa.