Levitiko 19:4 - Mawu a Mulluku

⁴ Muhinahokollweella o mafano apaalle wiipangella milluku dda mikoko. Mi tti Apwiya Mullukwaanyu.”

Levitiko 19:4 ပူးပေါင်းရင်းမြစ်များ

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Eksodo 34:17

“Muhiipangelle milluku dda mikoko.

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

1 Yohane 5:21

Anaaka, murapelleke mafano.

Deuteronomo 27:15

“ ‘Atembeleliwe arive muthu oopanga nifano noosema apaalle nawoopa, ello yoopangiwa ni muthu eeruso, ello yawaananara Apwiya ni yoollapella mwawiipittheya.’ “Nave athu attheene yaakhulle wi, ‘Amen!’

1 Akorinto 10:14

Sika vano, akhwaaka ookondiwa, murapelleke mafano.

Masalimo 96:5

Milluku dda athu tti mafano koma Apwiya yaaphatusa ddamuddullu.

Eksodo 32:4

Sika Aroni aamwaakhella golidooyo ovenyera wa athwaayo nave aamweeka, amoopa musaanaang'ombe mu echikombole. Nave athu yahaamba okhuwa wi, “Aisraele, olla sika mullukwaahu oyo anikhumihalle o Iguputo.”

Hagai 2:18

Waambeella ollello nllapo na 24, mweeri waneetthanu ni sese oya muhoollo, nllapo nno matthipello a enyumba ya Apwiya yamakiiwiiwa, chenjerani.

Levitiko 19:5

“Mwaavelleellaka mukutho wa eyaattano wa mi Apwiya, mweereke ddawi mukuthwaanyu waakhullelliwe.

1 Epilli 16:26

Milluku dda athu tti mafano, koma Apwiya yaaphatusa ddamuddullu.

Levitiko 11:44

Mi tti Apwiya Mullukwaanyu. Vano muddeellihe nave mukhalle aweella vawi mi tti aweella. Muhiiripihe ni erive ello yawaapadda.

Levitiko 19:25

Koma va muyakha waneetthanu, muneerewaakhullelliwa oddicha ezipaso ddiwa. Vano mweera ddenndda miteekho ddanyu ddineerekewimma wunchichi. Mi tti Apwiya Mullukwaanyu.

Deuteronomo 4:16

Sika onesesani wi muhichimwe vawiipangellani nifano na orive mutundu naari nifano na mullopwana apaalle na mutthiyana,

Deuteronomo 7:25

Mwaashellellihe mafanwiiwa mattheene nave muhimusilile siliva apaalle golide oyo yamupangenlliiwa mafanwaayo. Muhiwe muddikusa ddenndda wi muhiphariwe m'musamphani vawi ddinnaananara Apwiya Mullukwaanyu.

1 Mamwene 14:9

Koma woheera ddoonanara waakhwaranya athu ayo yaarivo khalle weyaano ohinakhallevo. Wookikhoota miyaano nave wookishiha murima vawoopani milluku ddimodda ni mafano amikoko.

2 Epilli 28:2

Koma athwarille ezisanzo ddoonanara dda mamwene a o Israele. Aapanga mafano amikoko a Baala