Levitiko 19:32 - Mawu a Mulluku

³² “Mukhalleke oolemu vamiitthoni va muthu awuulluvalla nave mumooveke Mullukwaanyu. Mi tti Apwiya.

Levitiko 19:32 ပူးပေါင်းရင်းမြစ်များ

1 Timoteo 5:1

Ohimuhumullulleke muttekweene moomusimwella koma omukoheke wonanko attiittho. Okhalleke ni asombwe wonanko asinno.

Maliro 5:12

Enduna ddinnatthomeyiwa voomakellellani mattiiwa, naarittho attekweene khenavahiwa olemu.

Miyambo 16:31

Embwi ddiri wonanko enduwira yoomwene yoophwanyeya mu ettilla ya echilungamo.

Miyambo 20:29

Oriiheya wa esombwe okonne va masiviiwa nave oreera wa wuulluvalla okonne va embwi.

Yobu 32:6

Sika Elihu, mwaana a Barakele, a nlloko na Buzi, ahaamba ollota wi, “Mi kiri mwaana, nyuwaano tti attekweene, sika kaanoova nave kaanatthukumella wi kuulleelleni nnddo kinadduwelleemi.

Yobu 32:4

Elihu aatiyerellella ahinallote ni Yobu vawi amoddaayo yaari uullupalli wa olliye.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

Aroma 13:7

Muvelleelleke wa arive muthu eyo munaphwanelleenyu ovelleella, wonanko okhoma misonkho, ovaha olemu apaalle oriiha.

Yesaya 3:5

Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.

Levitiko 19:14

Muhinamutembelela muthu oohiiwa apaalle omukwakwatulla muthu oohoona. Koma mumooveke Mullukwaanyu. Mi tti Apwiya.

1 Mamwene 2:19

Sika Batesheba aaya wa mwene Solomoni wi allotena munipuroni mwa Adoniya. Mwenooyo ahiimella wi akumanena nave aamukokhorella. Solomoni aakeraatthi va mpandwaaye woomwene nave mpando mmodda waavollochihiwa wi amennyaayo ekeraatthelle. Sika yaakeraatthi onnattanatta waye.

Genesis 31:35

Rakele ahaalleella attiitthinnya wi, “Attiitthi, muhinakishella murima ekaamba yawi ngiimenlle moovelleella olemu vamiitthoni vanyu. Miyaano ngiri phaama ekaamba kiri omweerini.” Sika Labani khaaphwanyille milluku ddayenndde.

2 Mamwene 17:36

Koma mukillapelleke mi Apwiya oyo kuukhumihalleni o Iguputo ni masivaaka muullupalli ni muwonwaaka wamasiva. Mukooveke mi Apwiya nave muvelleelleke mukutho wa meeneve.

Miyambo 23:22

Owaapelleke maaru attiittho awuuyara, ohaavevulle amaayo yuulluvalla.

Genesis 48:12

Vano Yosefe ahaavenyihavo anamwanaayo vametoni va Yakobo nave aamukokhorella.