Levitiko 19:30 - Mawu a Mulluku

³⁰ Musunguke Nllapo naka Sabata ni oriiha nipuro naka naweella. Mi tti Apwiya.

Levitiko 19:30 ပူးပေါင်းရင်းမြစ်များ

Levitiko 26:2

Musungeke nllapo naka Sabata ni oriiha nipuro naka naweella. Mi tti Apwiya.”

Oollalleya 5:1

Opwatheke phaama meetellwaawo waayaaka o enyumba ya Mulluku. Oyeellawo ohuddera tti wookhwaranya oyeellawo ovelleella mukuthove wonanko athu ookarangeya ayo ehinadduwella wi eyo eneeriiwa tti yoonanara.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Mateyu 21:13

Nave aallota wi, “Mulluku aallota mu mawaaye wi, ‘Enyumbaaka ekhalle enyumba yoovekellamo.’ Koma nyuwaano mooyitthattusa nipuro nawiipitthamo allupaawiiya!”

Masalimo 89:7

Mulluku sika anooviwa m'mutthukumanoni wa aweella, sika awoopiha waakhwaranya attheene oomwaapheella.

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Eksodo 20:8

“Osungeke nllapo na Sabata wi nikhalle noopatuleya.

1 Petro 4:17

Enthawi yookwakhwana wi echiweruzo yaambe nave athu a Mulluku sika enaambe weeruziwa. Yaamba ni hiyaano, enaamalle mwawiidde wa ayo ehinakhulupilila othenga waphaama wa Mulluku?

2 Epilli 36:14

Oohoollella attheene a allupa mukutho ni athu amodda yaheera ddoohiroromelleya ddinchichi voothwarani ddoonanara dda athu. Nave yaaripiha enyumba ya Apwiya ayo yiipatulelle khalle o Yerusalemu.

2 Epilli 33:7

Aahiya mu enyumba ya Mulluku nifano noosema. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.

Levitiko 15:31

“Sika mwaachenjeze Aisraele dda oripihiwa wiwa wi ehikhwe ekaamba yaweera machimo ooripiha musasaaka oyo ori variyari vanyu.”

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.