Levitiko 19:23 - Mawu a Mulluku

²³ “Mwavollowa mwiillaponimmo ni waallamo miteekho ddoohiyanahiyana dda ezipaso, ezipasonnddo ddikhalle ddoohaakhullelliwa oddicha wa miyakha miraru. Muhinaddicha va enthawi yeella.

Levitiko 19:23 ပူးပေါင်းရင်းမြစ်များ

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Levitiko 22:27

“Eng'ombe, enkhosa apaalle epuri yarelliwa, ekhalle ni meewa wa mallapo matthanu ni meelli. Nave waambeella nllapo naneetthanu ni raru oya muhoollo ttuuwaakhelliwa wi ekhalle mukutho wawoosiwa viikho, woovelleelliwa wa Apwiya.

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Levitiko 14:34

“Mwavollowa mu ellapo ya Kanani eyo kinuuvaheemini wi ekhalle yaanyu nave keeriha enyumba wi ekhalle ni enguwi mu ellapwaanyweeyo,

Levitiko 12:3

Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya. Nave va nllapo naneetthanu ni raru mwaanooyo aphaddiwe.

Eksodo 6:12

Koma Mose ahaalleella Apwiya wi, “Aisraelaayo khenakiiwellella. Ethiyo Farao anaakiiwellelle mwawiidde? Miyaanothi valle nginawora ollota phaama.”

Eksodo 6:30

Koma Mose ahaalleella Apwiya wi, “Nyu munnadduwella valle wi miyaano nginawora ollota phaama ddene, vano Faraooyo anaakiiwellelle mwawiidde?”

Levitiko 19:22

Mullupa mukutho eere mutetho woopepesella machimo a muthooyo ni nankhoro a enkhosa ya mukutho woolliva vamiitthoni va Apwiya, ekaamba ya nichimo neeriwe ni muthooyo nave nichimo eerilleeyenno nineerokhululukelliwa.

Levitiko 19:24

Va muyakha waneesese, ezipaso ddittheddene ddineerokhalla ddoopatulelliwa wa Apwiya wonanko yoovelleella yoothokoza.

Levitiko 23:14

Muhinamucha tirigu yoolla awumma apaallettho mukitthi apaalle buledaaye nllaponna nihinaphiye, ophiyera muwiillena mukutho wa Mullukwaanyu. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.