Levitiko 19:18 - Mawu a Mulluku

¹⁸ Muhinahokollosella ddoonanara nave muhinaananariwella akhwiinyu koma mumukondeke mmodda wonanko mmo muniikondelleenyu nyookha. Mi tti Apwiya.

Levitiko 19:18 ပူးပေါင်းရင်းမြစ်များ

Aroma 13:9

Malamulo awi, “Ohiraruwe, ohiiphe, ohiiye, ohisilile” malamulo yaalla ni malamulo mamodda manchichi enahuruwelliwa mu lamulo nimodda nawi, “Waakondeke akhwaawo wonanko mmo oniikondelleewe weekha.”

Agalatiya 5:14

Vawi malamulo mattheene enakwakhwanihelliwa va lamulo nimodda nawi, “Omukondeke mukhwaawo wonanko mmo oniikondelleewe weekha.”

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

Mateyu 19:19

Waavaheke olemu attiittho ni amaayo, omukondeke mukhwaawo wonanko mmo oniikondelleewe weekha.”

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

Aroma 12:17

Muthu mmodda aweerella yoonanara, ohimuhokolloselle yoonanara koma weeseeseke weera ddeko ddinooneya ni athu attheene wi tti ddaphaama.

Akolose 3:8

Nave vano munaphwanella wi mutathille ddeko ddenndda. Osha murima, onanariwa, ddawiitana. Muwano mwanyu muhikhumeke mawu oolalata apaalle a epewe.

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.

Miyambo 20:22

Ohilloteke wi, “Kineerohokollosella ddoonanara.” Atiyere Apwiya vawi eneerewuuvullusa.

1 Petro 2:1

Vano hiyani ddoonanara ddittheddene, woottha, makhallello awoottha, ehache apaalle ollota ddoonanara.

Aheberi 10:30

Vawi ninnadduwella wi Mulluku aallota wi awaallaka ni waahokollosella. Mawu a Mulluku yaallotattho wi Apwiya eneeroweeruza athwiiwa.

Mateyu 19:16

Musombwe mmodda aawa wa Yesu amukoha wi, “Ahuddihi, yaphaama ttiivi yawi keere wi kaakhelle okumi woohimalla?”

Aroma 13:4

vawi yaayo tti oomurumeyella Mulluku ayo enaphara mutteko wuukaviherani nyuwaano. Koma mweera yoonanara munaphwanella woopopihiwa ekaamba yookhalla ni olamulello wawuullakani. Alliwa tti oomurumeyella Mulluku nave ennawiiha ollaka wa Mulluku wa ayo eneera ddoonanara

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

2 Samuele 13:22

Koma Abishalomu khaallotille erive ello yaphaama apaalle yoonanara wa Aminoni. Vawi Abishalomu aanamwiita wunchichi ekaamba yawi aamuwatihera Tamara, murokoriye weerana ddoonanara.

Deuteronomo 32:25

Otte wa enyumba eneerokhwa ni nsupada, muwari mwa enyumba eneerokhwa ni woova. Asombwe ni anamwalli eenerewoonongeya, Akantchewa ni awuulluvalleene khevulluwa.

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

Masalimo 103:9

Khenavirellella ovittha mullatu enthawi ettheene, khenasha murima wa enthawi yoohimalla.

Yohane 13:34

Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.

Genesis 4:23

Vano Lameki aallota ni awariye. “Nyuwaano Ada ni Zila, mwiiwellelle mawaaka, apellani maaru, nyu awaraka. Mi koomwiipha muthu ekaamba yookiphoriiha, kaamwiiphattho musombwe oyo akuukuthalle.

Eksodo 20:16

“Ohivelleelle omboni woomootthera mukhwaawo.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Mitteko 16:28

Koma Paulo aakhuwa ni mawu oowella wi, “Ohiiphoriihe weekha! Niri vaava attheene!”