Levitiko 19:17 - Mawu a Mulluku

¹⁷ “Muhiniitana ni mbalaanyu m'murimani mwanyu koma mumuhumullulle mwa echilungamo wi muhaakhullellane ni nichimo naye.

Levitiko 19:17 ပူးပေါင်းရင်းမြစ်များ

1 Yohane 2:9

Ayo enallota wi eri mu owala koma enawiita asinniwa ni arokoriwa, eri mwiipiphini enthawi yeella.

Luka 17:3

Chenjerani ni meerellwaanyu! “Mukhwaawo uuchimwella, omuhumullulleke, arukunuwa murima omukhululukelleke.

1 Yohane 2:11

Koma ayo enawiita asinniwa ni arokoriwa eri mwiipiphini. Eneeta mwemmo nave khenadduwella nko enayeewawo kaambiiwa epipheeyo yooripiha miitthwiiwa.

Agalatiya 6:1

Asinnaka ni arokoraka, mmodda aphwanyiwa achimwaka, nyuwaano mwaakhenlle Munepa Waweella munaphwanella mumuhumullulle mwawiithaalla. Koma mwiiwehereke weekhiinyu wi nanyeenettho muheesiwe.

Aefeso 5:11

Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

Miyambo 9:8

Ohimuhumullulle oovevulla vawi aneerowiita koma omuhumullulleke muthu eezeru aneerewuukonda.

Tito 2:15

Ohuddihe ddeko ddenndda navettho opharihe mutteko olamulellwaawo vawaallipihani murima ni waahumullulla. Vihikhalle muthu anuuvevulleke.

Tito 1:13

Omboni yoolla tti wawoona. Sika waahumullulle moosimwa wi ekhalle mu echikhulupililo yawoona,

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.

1 Timoteo 5:20

Attekweene ayo enavirellella ochimwa, waahumullulleke vamiitthoni va attheene wi amoddaayo yooveke.

1 Akorinto 5:2

Nave nyuwaano munakotella tini? Mwaphwanenlle m'moriweke ethakaraka nave muthu oyo enre ello yeella anaphwanella wi avenyihiwe variyari vanyu.

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

2 Samuele 13:22

Koma Abishalomu khaallotille erive ello yaphaama apaalle yoonanara wa Aminoni. Vawi Abishalomu aanamwiita wunchichi ekaamba yawi aamuwatihera Tamara, murokoriye weerana ddoonanara.

Nehemiya 13:17

Vaavo kahaahumullulla oohoollella a mu Yuda nave kahaakoha wi, “Ethiyo yoonanara muneerenyweella tti tini, oripiha nllapo na Sabata?