Levitiko 19:13 - Mawu a Mulluku

¹³ “Muhimunyingallelle mukhwiinyu apaalle omwiiyera ddeko ddaye. Muhinasunga mallivello a mullupa muttekwaanyu mahiiyu mattheene ophiyera ohinase.

Levitiko 19:13 ပူးပေါင်းရင်းမြစ်များ

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 22:13

Ootulli tti muthu oyo anamaka enyumbaaye moohilungama, oomaka ezipinda ddaye moolleka vawaapharihani mutteko athu koma oohaallivella.

Miyambo 20:10

Esikelo ni ddoolingella ddoolleka ddinnaananara Apwiya.

Mariko 10:19

Onnadduwella malamulo a Mulluku: ‘Ohiiphe, ohiraruwe, ohiiye, ohivelleelle omboni wawoottha, ohaachelleke akhwaawo matthu vamuru, waavaheke olemu attiittho ni amaayo.’ ”

Ezekiele 22:29

Athu a mwiillaponimmo ennaahoosa akhwiiwa navettho enniiya. Ennaahoosa athu oopaneya ni oohoowa. Ennaakatamiha alleto voohiweerellani ddeko moolungama.

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Eksodo 22:21

“Ohimuhoose mulleto apaalle omweeriha okhalla moopaneya vawi naweenettho waari mulleto o ellapo ya Iguputo.

Eksodo 22:15

Koma yakhwa mwaneenooyo arivo, oovallooyo ahillivelle. Apolleya ni makobiri echiweto nave yakhwa, ahillivelle ekaamba yawi aavelleella makobiri voopolleyani echiwetweeyo.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Luka 3:13

Olliye ahaakhulla wi, “Muhikhomiheke musonkho mwawaanjerera va nnddo mulamuliweenyu.”

Miyambo 22:22

Muhiwaakhe oohoowa ekaamba yawi tti oohoowa apaalle waanyingallella oopaneya vanthatoni.

Yobu 31:39

kaarimi kichille dda m'matanimmo kihinayikulle apaalle waatathilliha murima allupa emateeyo,

Levitiko 6:3

apaalle oruna wi khatotille nnddo ddamorihiwe sika anallupella ddawoottha.

Eksodo 22:13

Yattakhuniwa ni enama ddamuhakani, akusewo ddoohallannddo wi ddikhalle omboni koma ahillivelle eyo yattakhuniwe ni enameeyo.

Mateyu 20:8

“Vano misikuwa nndduwa nivollowaka mwaneena a ematoolle amulleella kapitawaaye wi, ‘Owiithane allupa mutteko wi waavahe mallivellwiiwa, waambeella ni ayo yaalembiwe moomallihella nave omallihe ni ayo yaalembiwe moowaambeella.’

1 Timoteo 5:18

Vawi mawu a Mulluku eni, “Ohimake owanoni wa eng'ombe eyo enamuuputha tirigu,” navettho “Allupa mutteko enaphwanella yaakhelle mallivellwiiwa.”

Eksodo 20:15

“Ohiiye.

Eksodo 22:7

“Muthu asungiha wa muthu mmodda makobiri apaalle ddeko ddimodda ddoowallamella mutengo nave ddiiyiwa mpa mwa muthummo, mullupaawiiyooyo aphariwa allivelle opiilli.

Yobu 17:5

Oowaavelleella akhwaaye ekaamba ya eyuuma, anaaye eneerohoosiwa.

Miyambo 3:28

Ohinamulleella mukhwaawo wi, “Rowa, ohokollowe osiisello nave kineerewuuvaha,” koma orina ello.

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Levitiko 25:14

Wamukullihella mukhwaawo emata apaalle wakulla emata wa mukhwaawo vihikhalle ollekana.

Levitiko 25:17

Sika muhillekane koma mumoove Mullukwaanyu. Mi tti Apwiya Mullukwaanyu.”

Yobu 7:2

Wonanko kaporo ooseremella muuthuuchi, wonanko aganyu ootiyerella mallivellwaaye,