Levitiko 18:27 - Mawu a Mulluku

²⁷ Vallethi athu ayo yaari mwiillaponimmo nyuwaano muhinaphiye, yaaneera ddooripihiwa ddenndda nave ellapo yaaripihiwa.

Levitiko 18:27 ပူးပေါင်းရင်းမြစ်များ

Ezekiele 22:11

amodda ennararuwa ni awara a akhwiiwa, amodda ennakonana ni avokohiiwa, amoddattho ennakonana ni arokoriwa, anamwani a attiitthiiwa.

Ezekiele 16:50

Aaniitukhulla wunchichi aneera ddoonanara vamiitthoni vaka. Sika ekaambiiwa kawoonongilleemi koonille.

2 Epilli 36:14

Oohoollella attheene a allupa mukutho ni athu amodda yaheera ddoohiroromelleya ddinchichi voothwarani ddoonanara dda athu. Nave yaaripiha enyumba ya Apwiya ayo yiipatulelle khalle o Yerusalemu.

2 Mamwene 21:2

Olliye aheera ddoonanara vamiitthoni va Apwiya voothwarani mitteko ddoonanara dda athu a mitundu ddimodda ayo Apwiya yawiikarilliiwa ehinaphiye Aisraele.

2 Mamwene 16:3

Koma athwarille ezisanzo ddoonanara dda mamwene a o Israele. Aamuvelleella mwanaye aamullopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

1 Mamwene 14:24

Nave waakhallattho allopwana ooraruwa voollapellani mu ellapo yeeyo. Athwaalla yaaneera ddoonanara nnddo ddeeriwa ni athu ayo Apwiya yawiikarilliiwa Aisraele yaphiyiiwa.

Deuteronomo 27:15

“ ‘Atembeleliwe arive muthu oopanga nifano noosema apaalle nawoopa, ello yoopangiwa ni muthu eeruso, ello yawaananara Apwiya ni yoollapella mwawiipittheya.’ “Nave athu attheene yaakhulle wi, ‘Amen!’

Deuteronomo 25:16

Apwiya enniitana ni athu oolleka mu ettilla yeella.”

Deuteronomo 23:18

Makobiri mattheene oophwanyeya mu ettilla ya ohule waweereya ni mullopwana apaalle mutthiyana, muhiweekena o enyumba ya Apwiya Mullukwaanyu wi mukwakhwanihe malonjezwaanyu. Apwiya Mullukwaanyu enniitanana ddenndda.

Deuteronomo 20:18

Muwiiphe attheene wi ehuuchimwiheni vamiitthoni va Apwiya Mullukwaanyu vawuuhuddihani ddoonanara nnddo eneeriiwa voollapellani milluku ddiwa.

Levitiko 18:24

“Muhiiripihe ni ddeko ddenndda kaambiiwa mitundu ddimodda dda athu nnddo kinaddiikariheemi nyuwaano mwaaphiyaka, ddahiiripiha ni ddenndda.

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Levitiko 18:26

Koma nyuwaano muthware malamulwaaka ni weera nnddo kuulamulalleemini. Muhineera erive ello mwa ddooripihiwa ddenndda naari muri nyu Aisraele apaalle mulleto ookhalla variyari vanyu.

Levitiko 18:28

Muheere ddenndda wi ellapo ehuurapheyeni mwayiripiha wonanko mmo yaarapheyelliiwa athu ayo yaari mwemmo nyuwaano muhinaphiye.