Levitiko 18:25 - Mawu a Mulluku

²⁵ Ddenndda ddaaripiha ellapo sika wi kaallaka nichimo niwa nave ellapweeyo yahaarapheya athu ookhalla mwemmo.

Levitiko 18:25 ပူးပေါင်းရင်းမြစ်များ

Levitiko 18:28

Muheere ddenndda wi ellapo ehuurapheyeni mwayiripiha wonanko mmo yaarapheyelliiwa athu ayo yaari mwemmo nyuwaano muhinaphiye.

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Masalimo 106:38

Yaamoriha nikhame noohichimwa, nikhame na aniiwa aallopwana ni aatthiyana ayo yaavelleelliiwa mukutho wa mafano a o Kanani, sika yaaripiha ellapweeyo ni nikhame.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Yeremiya 23:2

Ekaamba ya yeella Apwiya Mulluku a Israele enallota dda abusa awaawehera athwiiwa wi, “Moopallallesa ni omwara enkhosa ddaka nave khamunaddipwatha phaama. Sika kineerewuullakani ekaamba ya ddoonanara ddanyu.

Yeremiya 16:18

Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yeremiya 5:29

“Koma mi Apwiya kinallota wi, ‘Ethiyo sika ttuulephela waallaka ekaamba ya ddenndda, oohiwuhokollosella ddoonanara mutundu wawi ddiiddoolla?’

Yeremiya 5:9

Ethiyo ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla?

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Deuteronomo 18:12

Apwiya Mullukwaanyu enniitana ni athu aweera ddenndda sika ekaambiiwa enawiikarelliiwa athwaalla vamiitthoni vanyu.

Aroma 8:22

Vawi ninnadduwella wi ophiyera vano ddoophatusiwa ddittheddene ddinniipullella ekaamba ya ovoreya, ovoreya wene wonanko mutthiyana aayaraka.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Yesaya 24:5

Athu yooripiha ellapo yavatthi voohithwarani malamulo a Mulluku voovevullani mawaaye ni voohiiwellellani echipangano yoohimalla.

Masalimo 89:32

kineerewaallaka ni ekopo ekaamba ya ddoolakwa ddiwa. Kineerewaawashulla ni muwashullo ekaamba ya machimwiiwa.

Deuteronomo 9:5

Khe ekaamba ya echilungamwaanyu apaalle oreera wa murimaanyu wi muneerewaakha ellapwiiwa koma tti ekaamba yawi athwaayo tti oochimwa sika Apwiya enawiikarelliiwa navettho wi Apwiya tti oororomelleya va echipanganwiiwa eyo yallupenlliiwa wa makhollwaanyu Abrahamu, Isaki ni Yakobo.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Levitiko 18:26

Koma nyuwaano muthware malamulwaaka ni weera nnddo kuulamulalleemini. Muhineera erive ello mwa ddooripihiwa ddenndda naari muri nyu Aisraele apaalle mulleto ookhalla variyari vanyu.

Deuteronomo 21:23

mutembooyo ohikoneke vamuteekhonimvo. Muwuvitthe nllapo nenno kaambiiwa wi mutembo wootthomeyiwa vamuteekhoni onnawiiha matembelelo a Mulluku. Sika muvuhellelle mutembooyo wi muhiripihe ellapo eyo Apwiya Mullukwaanyu enuuvahiiwani wi ekhalle wonanko yoohallanaanyu.

1 Mamwene 21:26

Olliye aheera machimo oowullihesesa muru voollapellani mafano wonanko yeerella Aamori ayo Apwiya yaaveyihalliiwamo voophiyani Aisraele.

Ezara 9:11

mwanilamulalleenyu oyeella mwa anamallotella oorumeyellaanyu ollota wi, ‘Ellapo munavollowaanyumweeyo wi mwaakha tti ellapo yooripihiwa ni ddoonanara dda athu a mwemmo nnddo ddiddallille ellapweeyo ovenyera o embali emodda ophiya o embali emoddattho.