Levitiko 18:21 - Mawu a Mulluku

²¹ Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Levitiko 18:21 ပူးပေါင်းရင်းမြစ်များ

Deuteronomo 12:31

Muhaallapelleke Apwiya Mullukwaanyu, moophwanaphwana ni mmo alliwa enallapellelliiwa milluku ddiwannddo. Alliwa enneera ddoonanara ddawoopiha ddinchichi ddawiitana ni Apwiya vawi ennaashellelliha aniiwa aallopwana ni aatthiyana vamunlloni vawaavelleellani wa milluku ddiwa.

Levitiko 19:12

Muhinallupella mu nnddina naka mwawoottha ni oripiha nnddina na miyaano mullukwaanyu vaweerani ddiiddo. Mi tti Apwiya.

Deuteronomo 18:10

Variyari vanyu vihikhalle oomuvelleella mwanaye aamullopwana apaalle aamutthiyana vamunlloni wonanko mukutho, awoombesa apaalle oollohella ddamuhoollo apaalle oophariha mutteko manyaka apaalle ezitumwa. Vihiphwanyeyettho ooveka ezeru wa minepa dda athu ookhwa.

Levitiko 22:32

Muhinaripiha nnddina naka naweella koma nikhalle naweella variyari va Aisraele. Mi tti Apwiya, ayo enuupatulani.

Mitteko 7:43

Mwaatukhulla musasa woomullapellamo mulluku Moleki ni etheneeri ya mullukwaanyu Refani, nndda ddaari mafano moopilleenyu wi muddillapelleke. Sika kineerewuurumihani wa ellapo yaaneena ohiyana ni o Babiloni.’

Malaki 1:12

Koma munnaripiha nnddina naka voollotani wi nikuwa naka khaninna mutteko voovelleellani yoocha yoonyaambuseya.

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

1 Mamwene 11:33

Kineereweera yeella kaambiiwa Solomoni ookikhoota miyaano, anamullapella Ashitoreti mulluku aamutthiyana a Asidoni, Kemoshi mulluku a Amowabu ni Milikomu mulluku a Aamoni. Sika khaawiiwellelle, khaaweerille nnddo kapaalleemi nave khaasungalle malamulwaaka ni malangizwaaka monga mmo eerella Davide attiitthinnya.

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.

Levitiko 22:2

amulleelle Aroni ni anaaye wi, “Muriiheke ddeko ddoopatuleya nnddo Aisraele enavelleelliiwa wa miyaano woova wi munaaripihe nnddina naka naweella. Mi tti Apwiya.

Amosi 5:26

Nave muneeromutukhulla Sakuti, mwene a milluku ddanyu, Kaiwani, mullukwaanyu eetheneeri, mafano ayo mwiisemenlleenyu.

Ezekiele 23:37

Yaararuwa nave yaawiipha athu. Yaararuwa voollapellani mafanwiiwa nave anaaka yakiyarelliiwa yahaavelleella wa mafano wonanko mukutho wa yoocha.

Ezekiele 20:31

Mwaawaaka ni emphaso ddanyu ni waavelleella aniinyu wi ekhalle mukutho wooshellelliha, munniiriipiha voorumeyellani mafanwaanyu manchichi ophiyera ollello. Nyu Aisraele, kinaawaakhullelleni mwawiidde wi muveke ezeru. Mi Apwiya Mulluku kinimallupella wi ngaakhullella wi muveke wa miyaano.

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

2 Mamwene 23:10

Mwene Yosiya ahoonongattho nipuro namukutho na Tofeti eyo yaari mu ntapo na anamwani a Hinomu wi arive muthu ahimuvelleelle mwanaye aamullopwana apaalle aamutthiyana wi okhalle mukutho wa Moleki.

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Mamwene 16:3

Koma athwarille ezisanzo ddoonanara dda mamwene a o Israele. Aamuvelleella mwanaye aamullopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

Levitiko 21:6

Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.

Aroma 2:24

Mawu a Mulluku eni, “Athu ayo ehiri Ayuda ennamullotella epewe Mulluku ekaamba ya nyuwaano Ayuda.”

Aroma 1:23

Enahiya omullapella Mulluku Ookumi woohimalla koma enallapella mafano a athu, epallame, enama apaalle ddawaapadda nnddo ddihinna okumi woohimalla.

2 Epilli 28:3

nave aanoosa lubani* vantaponi na mwaana a Hinomu nave ahaavelleella anaaye aallopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Ezekiele 20:26

Kahaahiyerera wi yiiripihe ni mikutho vawaavelleellani aniiwa awaamba. Kaheera ddenndda wi ellakallakeye nave edduwelle wi mi tti Apwiya.”

Mika 6:7

Ethiyo Apwiya ttuuhakallalla ni anankhoro ankhosa ooheerengeya apaalle mihinje dda makhura a olivi? Ethiyo ttuumuvelleella mwanaka awaamba ekaamba ya ddoolakwa ddaka apaalle mwanaka olliva machimwaaka?

Levitiko 24:15

Vano waalleelle Aisraele wi, ‘Arive muthu oomutembelela Mulluku machimwaaye ekhalle vamuruni vaye.

2 Mamwene 17:31

Aavi yaapanga nifano na Nibihazi ni Taritaki. Asefaravaimu yaanaavelleella aniiwa monga mukutho wooshellelliha wa milluku ddiwa Adrameleki ni Anameleki.

Amosi 2:7

Ennaanyingallella athu oohoowa, khenaapwatha naari vang'ono oopaneya. Muthu ni attiitthinnya ennakona ni kaporo aamutthiyana mmoddamoddave yooyo, ennanyaambusa nnddina naka naweella.