Levitiko 17:8 - Mawu a Mulluku

⁸ Waalleelle wi, “Arive Muisraele apaalle mulleto oyo ari variyari viwa, oovelleella mukutho wooshellelliha apaalle orive mukutho,

Levitiko 17:8 ပူးပေါင်းရင်းမြစ်များ

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

2 Samuele 24:25

Nave Davide ahaamakella Apwiya nikuwa avelleella mikutho ddooshellelliha ni ddeeyaattano. Sika Apwiya yahiiwa oveka waye woovekella ellapo nave mullillooyo waamalla mu ellapo ettheene ya Israele.

1 Samuele 16:2

Samuele ahaakoha Apwiya wi, “Kinaawore mwawiidde oyaawo? Saulo iiwa ddenndda, aneerokiipha.” Apwiya yaallota wi, “Waayaakawo okuse eng'ombe yaamutthiyana nave wallote wi, ‘Kaweella waaheraatthella mukutho Apwiya.’

1 Samuele 10:8

Onaahoolle tti weyaano oya o Giligala. Okitiyere wa mallapo matthanu ni meelli vawi kineeroowa wi kivelleelle mukutho wooshellelliha ni wa eyaattano. Wenko kineerewuulangiza ddawi weere.”

1 Samuele 7:9

Vano Samuele aamukusa mwaanaankhosa awaamwa amwiipha amuphaddaphadda amuvelleella amututha wa Apwiya mukutho wooshellelliha. Ahaavekellella Aisraele wa Apwiya nave Apwiya yaamwaakhulla

Oweeruza 6:26

Vano vaddullu va mpandamva omakevo nikuwa na Apwiya Mullukwaawo ni malluku ootthatta phaama. Okuse eng'ombe yaamullopwana, yaneepiilli, yamiyakha mitthanu ni miilli, yaattiitthweelle ovelleelle mukutho wooshellelliha. Okuse nifano na Asherimu nno onaakuheewe wi okhalle ekhuni.”

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 17:4

koma woohiwaana va mullako musasa wamutthukumano wi ekhalle yoovelleella wa Apwiya, muthooyo oottatthamulla mullatu wa nikhame kaambiiwa oomoriha nikhame. Muthu yooyo avenyihiwe variyari va Aisraele.

Levitiko 3:7

Avelleella enkhosa wi okhalle mukutho wa Apwiya,

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Levitiko 17:9

aahiwaana va mullako wa musasa wamutthukumano ayivelleelle vamiitthoni va Apwiya, muthu yooyo avenyihiwe variyari va Aisraele attheene.

Yoswa 22:11

Vano Aisraele yaawiiwa athu ellotaka wi, “Ngoonani Athu attheene a nlloko na Rubeni ni na Gadi ni hafu a nlloko na Manase yaamaka nikuwa malire ni ellapo ya Kanani, ekhopella ya muhinje wa Yordani o embali ya Aisraele.”

Yoswa 22:15

Ephiyalle o ellapo ya Giliyadi, yaallota ni athu a nlloko na Rubeni, na Gadi ni hafu a nlloko na Manase wi,

Yoswa 22:16

“Athu attheene a Apwiya enakoha wi ‘Kaambiiwa tini nyuwaano muchimwalleenyu mwawi ddiidda, voovaanyihanani ni Mulluku a Aisraele vawi mohaawukila Apwiya vawiimakellani nikuwa na mukutho nenna ni ovaanyihana ni Apwiya ollellova?