Levitiko 17:7 - Mawu a Mulluku

⁷ Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Levitiko 17:7 ပူးပေါင်းရင်းမြစ်များ

1 Akorinto 10:20

Khe yeeyo! Eyo kinaakeemi tti yawi yooheraatthiwa va makuwa a athu oohimullapella Mulluku enavelleelliiwa wa minepa ddoonanara, ohiri wa Mulluku. Nave nginapaalla wi nyuwaano mwaattane ni minepa ddoonanara.

Eksodo 34:15

Muhikeraatthiheke echipangano ni athu a ellapo yeeyo kaambiiwa yaachimwaka voollapellani milluku ddiwa ni ovelleella mikutho apaalle ttuuwiithanani wi muchena yoocha ya mikutho ddiwannddo.

2 Epilli 11:15

nave ahaatthoolla allupa mukutho aayeaaye wi erumeyelleke mapuro oollapellamo mafano monga a anankhoro musaanaapuri ni a musaanaang'ombe ayo aapangilleeye.

Deuteronomo 32:17

Yaaheraatthella mikutho o minepa ddoonanara, nnddo ddihiri Mulluku, milluku nnddo Aisraele yahiddidduwenlliiwa ovenyera khalle, milluku ddoowa osillesille, nnddo makhollwiiwa yahiddillapenlliiwa naari vang'ono.

Masalimo 106:37

Yahaavelleella aniiwa aallopwana ni aatthiyana wa minepa ddoonanara wonanko mukutho.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Ezekiele 23:8

Khaahiyalle makhallellwaaye ooraruwa ayo ahuddenreeye o Iguputo nko allopwana yararuwiiwana, enamuphara mapelle, enakonana ari namwalli,

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Levitiko 20:5

miyaano kineeromureya etulli yooyo ni nibanja naye nittheene. Kineerewaavenyiha variyari va Aisraele akhwiiwa ni attheene enaddoonihella ohiroromelleya wa miyaano voomullapellani Moleki.

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Eksodo 22:20

“Arive muthu oovelleella mukutho wa milluku, ohiri wa Apwiyave, iiphiwe.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Levitiko 17:8

Waalleelle wi, “Arive Muisraele apaalle mulleto oyo ari variyari viwa, oovelleella mukutho wooshellelliha apaalle orive mukutho,

Masalimo 106:39

Yahiiripiha ni mitteko ddiwa, ekhalla hule va ddaweera ddiwa.

Ezekiele 23:3

Yaanararuwa o Iguputo. Yaambeelle oraruwa eri anamwalli. Wenko athu yaanawaapapella vathirimani enaaphara mapelliiwa oohikokhora.

Eksodo 22:19

“Arive muthu anakonana ni enama iiphiwe.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.