Levitiko 17:6 - Mawu a Mulluku

⁶ Nave mullupa mukutho iithelle nikhame niwa vanikuwani na Apwiya, va mullako wa musasa wamutthukumano, vatulli viwa ashellellihe, makhuriiwa wi ekhumihe nthuko nawaaddivella Apwiya.

Levitiko 17:6 ပူးပေါင်းရင်းမြစ်များ

Numeri 18:17

Koma musaanaang'ombe awaamba apaalle musaana a enkhosa awaamba apaallettho musaana a epuri awaamba muhinamoopollaka vawi tti aweella. Mwiithelle nikhame niwa vanikuwani nave moose makhuriiwa wi ekhalle mukutho wawoosiwa viikho wa nthuko nawaaddivella Apwiya.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 3:16

Vano mullupa mukutho ashellellihe ddittheddenennddo vanikuwani wi okhalle mukutho wa othu, wawoosiwa viikho, wa nthuko nawaaddivella Apwiya. Makhura mattheene a enama tti a Apwiya.

Levitiko 3:13

atthinddaanyere nnatta naye va muru wa epureeyo, vano ayiiphelle va nthato na musasa wamutthukumano. Vano anamwani a Aroni evelleelle nikhame na epurinno vawiithani moowaapheella nikuwa.

Levitiko 3:11

Vano mullupa mukutho ashellellihe ddittheddenennddo vanikuwani wi okhalle mukutho wa othu wawoosiwa viikho woovelleelliwa wa Apwiya.

Levitiko 3:8

atthinddaanyere nnatta naye va muru wa enkhoseeyo nave ayiiphelle va nthato na musasa wamutthukumano. Vano anamwani a Aroni evelleelle nikhame na enkhosanno vawiithani moowaapheella nikuwa.

Levitiko 3:5

Vano anamwani a Aroni eshellellihe ddittheddenennddo vanikuwani ni mukutho wooshellelliha oyo ori vakhunini viikhomvo. Yooyo sika mukutho wawoosiwa viikho, wa nthuko nawaaddivella Apwiya.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Eksodo 29:13

Vatulli viwa okuse makhura mattheene awaapheella nave oohuruwella marupo, makhura mattheene a ohapa ni apellepetu ni makhuriiweene nave oshellellihe vanikuwanimvo.

Levitiko 17:5

Sika wi Aisraele ekuseke enama nnddo yaddiiphelliiwa virive veko, eweena vamiitthoni va Apwiya wa mullupa mukutho vamiitthoni va musasa wamutthukumano nave ayiiphelle vaavo wi okhalle mukutho wa eyaattano.

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.