Levitiko 17:5 - Mawu a Mulluku

⁵ Sika wi Aisraele ekuseke enama nnddo yaddiiphelliiwa virive veko, eweena vamiitthoni va Apwiya wa mullupa mukutho vamiitthoni va musasa wamutthukumano nave ayiiphelle vaavo wi okhalle mukutho wa eyaattano.

Levitiko 17:5 ပူးပေါင်းရင်းမြစ်များ

Ezekiele 22:9

Mwa weyaano mookhalla anawunawu wi ewiiphellevo akhwiiwa, amodda oocha ddoovelleelliwa mikutho o mafano ni athu amodda aweera ddoonanara.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

2 Epilli 28:4

Nave aavelleella mikutho ni woosa lubani mapuro oollapellamo mafano omiyaangoni ni vatthi va orive muteekho woorapa.

2 Mamwene 17:10

Yaamaka apoto oopatuleya ni mafano a Asherimu va orive mwaango woorekama ni va orive muteekho woorapa.

2 Mamwene 16:4

Nave aavelleella mikutho ni woosa lubani* mapuro oollapellamo mafano omiyaangoni ni vatthi va orive muteekho woorapa.

1 Mamwene 14:23

Vawi yahiimakellattho mapuro oollapellamo mafano, apoto oopatuleya ni mafano a Asherimu vamwaangoni ni vatthi va miteekho ddoovattha.

Deuteronomo 12:2

Mutthollose mapuro mattheene, mitundu ddimodda dda athu nnddo munaaddaakheenyu ellapo, ddinallapelliiwamo milluku ddiwa va miyaango ni va asimiyaango navettho vatthi va miteekho ddoovattha.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Genesis 31:54

Vano Yakobo aavelleella mukutho vamwaangonimvo nave awiithana athwaaye wi eche ddoocha. Emallihalle ochanko, yaakona vamwaangonimvo.

Genesis 22:13

Abrahamu atukhunlle miittho aamoona nankhoro a enkhosa aangille m'muttokhoromani. Nave aaya ayikusa aayiheraatthi mukutho wooshellelliha munipuroni mwa mwanayoolle.

Genesis 22:2

Mulluku aallota wi, “Mukuse Isaki, mwanawo mmoddave yooyo onamukondeewe wunchichi, oye o ellapo ya Moriya. Wenko wamuvelleelle wonanko mukutho wooshellelliha vamwaangoni oyo kineereemi kuulleelle.”

Genesis 21:33

Sika Abrahamu ahaalla muteekho wa bwemba o Beeresheba nave ahaallapella Apwiya Mulluku a Enthawi yoohimalla.

Levitiko 17:4

koma woohiwaana va mullako musasa wamutthukumano wi ekhalle yoovelleella wa Apwiya, muthooyo oottatthamulla mullatu wa nikhame kaambiiwa oomoriha nikhame. Muthu yooyo avenyihiwe variyari va Aisraele.

Levitiko 17:6

Nave mullupa mukutho iithelle nikhame niwa vanikuwani na Apwiya, va mullako wa musasa wamutthukumano, vatulli viwa ashellellihe, makhuriiwa wi ekhumihe nthuko nawaaddivella Apwiya.

Ezekiele 43:27

Mallapo yaayo yamalla waambeella nllapo naneetthanu ni raru oya muhoollo, allupa mukutho eheraatthiki vanikuwaninno mikutho ddanyu ddooshellelliha nave dda eyaattano. Vano kineerowaakhellani. Mi Apwiya Mulluku koollota.”

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

1 Mamwene 3:2

Mallapo yaayo athu yavelleella mikutho o mapuro oollapellamo oohiyanahiyana kaambiiwa yaari ehinamakelle enyumba nnddina na Apwiya.

1 Mamwene 3:3

Solomoni aanaakonda Apwiya nave aaniiwellella malangizo a attiitthinnya Davide. Komave aanavelleella mikutho ni woosa ddawunkhella omapuroninko.