Levitiko 17:4 - Mawu a Mulluku

⁴ koma woohiwaana va mullako musasa wamutthukumano wi ekhalle yoovelleella wa Apwiya, muthooyo oottatthamulla mullatu wa nikhame kaambiiwa oomoriha nikhame. Muthu yooyo avenyihiwe variyari va Aisraele.

Levitiko 17:4 ပူးပေါင်းရင်းမြစ်များ

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 10:9

Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu.

Yohane 10:7

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.

Ezekiele 20:40

Ddawoona, Aisraele attheene eneerokirumeyella mwiillaponi mwiwammo o mwaangwaaka waweella, mwaango woorekama wa o Israele. Wenko kineerowaakhullella nave kineerotiyerella ddoovelleella ddiwa ni emphaso ddaphaama ddiwa vamodda ni ddeko ddiwa ddoopatuleya.

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Genesis 17:14

Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”

Aroma 5:20

Malamulo yaavelleelliwa wi athu edduwelle waata wa machimwiiwa koma machimo yaatilliiwa, echisomo ya Mulluku yahaanjerereya.

Aroma 5:13

Machimo yaari erimo mu ellapo yavatthi malamulo ehinavelleelliwe. Vano malamulo yaahikhallawo, machimo kheneerengelliwa.

Aroma 4:6

Davide aallotattho dda madaliso enawa wa athu ayo Mulluku anawaakhullelleeye wi tti oolungama ohiri ekaamba ya mitteko ddiwa wi,

Masalimo 32:2

Oodalisiwa tti oyo Apwiya ehinamweerengelliiwa mullatwaaye, oyo m'murimani mwaye muhiri ddoolleka.

Levitiko 20:18

Muthu akona ni mutthiyana oonille mweeri sika wi oorulla woona mweeri waye nave mutthiyanooyo ohiirulla. Athu eellaalla evenyihiwe variyari va Aisraele akhwiiwa.

Levitiko 20:16

Mutthiyana akona ni enama iiphiwe ni enameeyo nave nikhame niwa nikhalle va muru va mutthiyanooyo ni enameeyo.

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 18:29

Vawi arive muthu anaaweere ddooripihiwa ddenndda aneerovenyihiwa variyari va Aisraele akhwaaye.

Levitiko 17:14

“Vallethi okumi wa erive yoophatusiwa okonne munikhameni mwiwa. Sika ekaambiiwa kaalleelleemi Aisraele wi ehicheke nikhame na erive yoophatusiwa vawi arive muthu anaaniche aneerovenyihiwa variyari va Aisraele

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 7:18

Muthu ayicha enama ya mukutho wa eyaattanooyo va nllapo naneeraru, Mulluku khemwaakhella oyo awuvelleellooyo. Nave mukuthooyo khophura ello koma onaakhalle ello yooripihiwa nave oyo anaachooyo aneerophwanella ollakiwa.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Levitiko 17:3

“Arive Muisraele iipha eng'ombe apaalle mwaanaankhosa apaalle epuri, omisasani apaalle otte wa misasa,

Levitiko 17:5

Sika wi Aisraele ekuseke enama nnddo yaddiiphelliiwa virive veko, eweena vamiitthoni va Apwiya wa mullupa mukutho vamiitthoni va musasa wamutthukumano nave ayiiphelle vaavo wi okhalle mukutho wa eyaattano.

Levitiko 17:9

aahiwaana va mullako wa musasa wamutthukumano ayivelleelle vamiitthoni va Apwiya, muthu yooyo avenyihiwe variyari va Aisraele attheene.

Eksodo 30:33

Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Eksodo 30:38

Muthu mmodda apanga lubani noophwanaphwana ni nenna wi aphariheke mutteko, avenyihiweke variyari va athwaaka.”

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Deuteronomo 21:8

Nyu Apwiya, akhululukelleni athwaanyu Aisraele ayo mwawooponlleenyu. Nikhululukelleni nave muhihiye va hiyaano nichimo na omwiipha muthu oohilakwa.’