Levitiko 17:11 - Mawu a Mulluku

¹¹ Vawi okumi wa erive yoophatusiwa okonne munikhameni nave koonivelleella wa nyuwaano wi mweerelleke mukutho wa mutetho woopepesella machimo a okumaanyu vanikuwani. Vallethi nikhame sika ninavenyiha machimo ekaamba ya okumi oyo ori munikhamenimmo.

Levitiko 17:11 ပူးပေါင်းရင်းမြစ်များ

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Aroma 3:25

Mulluku aanivaha yooyo wi ni nikhame naye akhalle ookhululukella machimo a athu oweella mu echikhulupililwiiwa mwa olliyooyo. Mulluku aheera yeella wi oonihe wi olliye tti oolungama. Khalle aanalleva nave ahaahiyerera athu oochimwa koma mallapo yaalla khanalleva machimwiiwa wi oonihe wi olliye tti oolungama. Mu ettilla yeella Mulluku annooniha wi olliye yeekhaaye tti oolungama voomulungamihani arive muthu oyo anamukhulupilila Yesu.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Mariko 14:24

Yesu aallota wi, “Nna tti nikhame naka noollipiha echipangano ya Mulluku, nookhumihiwa ekaamba ya athu anchichi.

Genesis 9:4

“Koma ello emoddave muhinaachekeenyu tti enama yookhalla ni nikhame muwari mwiwa. Koovaanyiha ekaamba yawi okumi wa enama onakhalla mu nikhame.

Akolose 1:14

Vawi noottaphulliwa ekaamba ya olliye, machimwaahu aakhululukiwa.

Mateyu 26:28

Vawi nna tti nikhame naka noollipiha echipangano ya Mulluku, nookhumihiwa ekaamba ya athu anchichi wi machimo ekhululukelliwe.

Aheberi 13:12

Ekaamba ya yeella Yesu nayeenettho aakhwella otte wa muzinda wi aweellihe athu ni nikhame naye.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Levitiko 17:14

“Vallethi okumi wa erive yoophatusiwa okonne munikhameni mwiwa. Sika ekaambiiwa kaalleelleemi Aisraele wi ehicheke nikhame na erive yoophatusiwa vawi arive muthu anaaniche aneerovenyihiwa variyari va Aisraele

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Aroma 5:9

Vawi noolungamihiwa ni Mulluku ekaamba ya nikhame na Yesu, vano yookatamiha ttiivi ovullusiwa o osha murima wa Mulluku.

Levitiko 8:15

Vano Mose ahiipha eng'ombeeyo atthaveya eyaallaaye munikhameni amara va manyaka oowaapheella va nikuwa nave aaneelliha. Aaniithella nikhame noohalla vatthi va nikuwanno aneelliha. Sika aheera mutetho woopepesella machimo.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Levitiko 16:11

“Aroni aweena nankhoro a eng'ombe emodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. Vano ayiiphe eng'ombeeyo wi ekhalle mukutho woopepesella machimwaaye.

Levitiko 1:5

Vatulli viwa ayiiphe vamiitthoni va Apwiya nave anamwani a Aroni evelleelle nikhame na eng'ombenno voowiithani moowaapheella nikuwa nno niri va mullako wa musasa wamutthukumano.

Levitiko 17:12

Sika ekaambiiwa kaalleelleemi Aisraele wi arive muthu mwa nyuwaano apaalle mulleto ookhalla variyari vanyu, ahiche nikhame.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

Deuteronomo 12:23

Nikhameve muhicheke vamodda ni enameeyo kaambiiwa okumi okonne munikhameni, sika nyuwaano muhicheke nikhamenno vamodda ni enameeyo.