Levitiko 16:34 - Mawu a Mulluku

³⁴ Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.” Vano Mose aheera moollikana ni mmo Apwiya yamulamulalliiwa.

Levitiko 16:34 ပူးပေါင်းရင်းမြစ်များ

Aheberi 9:7

Koma mullupa mukutho muullupallive sika avollowa muwari mwa musasa nave eera ddenndda omoddave vamuyakhani. Aanakusa nikhame nno aheraatthiiye wa Mulluku ekaamba ya machimwaaye ni ekaamba ya machimo a athu yeeriiwa moohidduwella.

Aheberi 9:25

Khrisitu khaniiheraatthi mukutho wiilliwiilli wonanko mullupa mukutho muullupalli oyo anavollowa mu nipuro noopatuleya orive muyakha wi aheraatthi nikhame na enama.

Eksodo 30:10

Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”

Aheberi 10:14

Ni mukutho mmoddoolla, aaweeriha wi ekhalle aphaama woohimalla athu ayo aweellihalleeye.

Aheberi 10:3

Koma nndda ddinawuupusa machimwiiwa orive muyakha.

Numeri 29:7

“Va Nllapo na khumi na mweeri waneetthanu ni piilli yoolla mweereke mutthukumano woopatuleya, muhalleke ocha nave muhiphareke mutteko.

Levitiko 23:31

Muhinaphara orive mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Levitiko 17:1

Apwiya yaallota ni Mose wi

Levitiko 23:28

Muhinaphara mutteko nllapo nenna kaambiiwa tti nllapo naweera mutetho woopepesella machimwaanyu vamiitthoni va Apwiya Mullukwaanyu.

Eksodo 39:43

Vano Mose ahoona ddittheddene ddapangiwennddo nave aasimikizella wi yaaddipanga moollikana ni mmo Apwiya yalamulelliiwa. Sika Mose ahaadalisa athu attheenaayo.

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Levitiko 24:23

Mose ahaalleella ddenndda Aisraele nave alliwa yaamukhumiha muthu ootembeleloolle omisasani, emuvokha malluku. Sika Aisraele yaheera nnddo Apwiya yamulamulalliiwa Mose.