Levitiko 16:31 - Mawu a Mulluku

³¹ Nenna ninaakhalle nllapo nanyu nawiithuuwa wonanko na Sabata nave muhalle ocha. Nenna nikhalle lamulo nanyu na enthawi yoohimalla.

Levitiko 16:31 ပူးပေါင်းရင်းမြစ်များ

Levitiko 23:32

Va nllapo naneetthanu ni sese na mweeri, waambeella misikuwiiwa ophiyera misikuwa mamodda oothwarellella musunge nllaponno wonanko nllapo na Sabata nave muhalleke ocha.”

Yesaya 58:5

Ethiyo ohalla ocha wawi ddiiddanngu tti nko katthoonlleemi? Nyu munnawarama vatthi wonanko manasi, munnaanddellella eziguduli ni ohellavo ntuura wi mukonaatthivo. Ethiyo muneesa ohalla ocha tti wenngu, nllapo nowaahakallalliha Apwiya?

Yesaya 58:3

Athu enakoha wi, “Ethiyo ninahallella tini vawi nyu Apwiya khamunoona? Ethiyo niniikatamihella tini vawiiyevihani vawi nyuwaano khamunapwathawo.” Apwiya enallota wi, “Ollota ddawoona, nllapo nne munahalleenyu ocha, munaashaasha ddeko nnddo ddinuuvaheni mphuro nave munnaahoosa allupa muttekwaanyu attheene.

Levitiko 25:4

Koma muyakha waneetthanu ni piilli, okhalle muyakha waawiithuuwiha ethaya, muyakha wowaapatulella Apwiya nave muhillime emata ddanyu apaalle ophaddera miteekho ddanyu ddampesa.

Eksodo 35:2

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Eksodo 31:15

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

Daniele 10:12

Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.