Levitiko 16:21 - Mawu a Mulluku

²¹ Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni.

Levitiko 16:21 ပူးပေါင်းရင်းမြစ်များ

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Masalimo 51:3

Ddoolakwa ddaka kinnaddidduwella, machimwaaka eri vamiitthoni vaka enthawi ettheene.

Ezara 10:1

Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Aroma 10:10

Vawi ninalungamihiwa vamiitthoni va Mulluku ekaamba ya echikhulupilwaahu nave ninavullusiwa ekaamba ya waakhullella wahu.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Levitiko 26:40

“Vano edduullu ddanyu ddineerowulula machimwiiwa ni machimo a makhollwiiwa ekaamba ya ohiroromelleya wiwa nko yakillekilliiwana navettho ekaamba ya weeta moovaanyihana ni miyaano.

Eksodo 29:10

“Vatulli viwa oweena nankhoro a eng'ombe vahoollo va musasa wamutthukumano. Nave Aroni ni anaaye etthinddaanyere mattiiwa va muru wa nankhorooyo.

Levitiko 5:5

“Muthu achimwa va emodda ya ddiromolliwenndda, awulule nichimo nayenno.

Levitiko 1:4

Vano atthinddaanyere nnatta naye va muru wa eng'ombeeyo nave eneerowaakhelliwa wi ekhalle mukutho wooshellelliha woopepesella machimwaaye.

Levitiko 16:20

“Amalliha weera mutetho woopepesella nipuro naweellesesa, mapuro mamodda a musasa wamutthukumano ni nikuwa, Aroni, mullupa mukuthooyo aweena epuri ekumi wa Apwiya.

Levitiko 16:22

Epureeyo yiireye machimwiiwa mattheene nave eyeekena ochipululuni. Muthooyo ayihiya epureeyo wi eye ochipululuni,