Levitiko 16:2 - Mawu a Mulluku

² Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Levitiko 16:2 ပူးပေါင်းရင်းမြစ်များ

Eksodo 30:10

Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”

Aheberi 9:25

Khrisitu khaniiheraatthi mukutho wiilliwiilli wonanko mullupa mukutho muullupalli oyo anavollowa mu nipuro noopatuleya orive muyakha wi aheraatthi nikhame na enama.

Mateyu 27:51

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

2 Epilli 5:14

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumba Ya Mulluku.

1 Mamwene 8:6

Vano allupa mukutho yaatukhulla nibokosi na echipanganonno eyaana mu enyumba ya Apwiya enihiya mu echipinda yoopatuleyesesa, vatthi va muuphello a akerubi.*

Aheberi 9:3

Otulli wa ekatani waakhalla echipinda yooromolliwa wi nipuro naweellesesa.

Numeri 17:10

Apwiya yaamulleella Mose wi, “Khawe wahokolloselle ekopo ya Aroni vahoollo va nibokosi na echipangano. Oisunge wi ekhalle echizindikiro wa athu oowukila wi ehiye okhupanya nave wi ehikhwe.”

Numeri 4:19

ekaamba yawaatamella ddeko ddoopatuleyesesa. Sika Aroni ni anaaye eye yamulleelle arive Mukohati ddawi eere nave ddawi atukhulle.

Levitiko 23:27

“Nllapo naneekhumi na mweeri waneetthanu ni piilli tti naweera mutetho woopepesella machimo. Nenna nikhalle nllapo naweera mutthukumano woopatuleya. Muhalle ocha nave muvelleelle mukutho wawoosiwa viikho wa Apwiya.

Levitiko 16:13

Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe.

Levitiko 8:35

Mukhalleke va mullako wa musasa wamutthukumano otthaana ni mahiiyu, mallapo matthanu ni meelli nave mweereke nnddo Apwiya yuulamulalliiwani wi muhikhwe. Ddenndda tti nnddo Apwiya ekilamulalliiwa.’ ”

Aheberi 6:19

Nookhalla ni etiyerello yeella wonanko nangula* ookumaahu eyo eri yookeraattheya ni yoollipa nave ennavollowa ohiyana ni ekatani ya mu enyumba ya Mulluku yooddullu yaphiya muwari mwa nipuro naweella.

Aheberi 9:5

Vaddullu va nibokosinno vaari akerubi* oosema awooniha ntitimiho na Mulluku nave muuphellwiiwaayo yaakhuneella vanipuroni nookhululukella machimo, vaddullu vanibokosininno. Nave vano khawuworeya wi nitthopoolle ddittheddene.

Yawuupullulla 15:8

Enyumba ya Mulluku yaaddalla ni mwiisi woovenyera o ntitimiho ni masiva a Mulluku nave khaarivo aworille ovollowa mu enyumba ya Mullukweeyo ophiyera millilli mitthanu ni miilli ddawiihiwe ni angelo atthanu ni eellaalle ddimallille.

Numeri 4:5

Athu yaatthaamaka ni misasa ddiwa, Aroni ni anaaye evollowe m'musasani wamutthukumano, ettaphulle ekatani nave ehuruwelle nibokosi na echipangano.

1 Mamwene 6:16

Vano aaphadda echipinda ni matabwa amukunguza yoorekama mamita matthanu ni masese muwari mwa enyumba, otulli wiwa ovenyera vatthi ophiyera opatthoni. Aayimaka wi ekhalle echipinda yamuwari, nipuro naweellesesa.

Levitiko 16:34

Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.” Vano Mose aheera moollikana ni mmo Apwiya yamulamulalliiwa.

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”