Levitiko 16:18 - Mawu a Mulluku

¹⁸ Vano akhuma Aronooyo aye onikuwani nno niri vamiitthoni va Apwiya wi eere mutetho woopepesella nikuwanno. Akuse nikhame nimodda na nankhoro a eng'ombe navettho nikhame na epuri wi amare va nirive nnyaka na nikuwanno.

Levitiko 16:18 ပူးပေါင်းရင်းမြစ်များ

Levitiko 4:7

Vatulli viwa mullupa mukutho muullupalli amare nikhamenno va manyaka a va nikuwa nawoosellamo lubani* nno niri m'musasani wamutthukumano. Nikhame noohalla na eng'ombeeyo aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Levitiko 16:16

Eeddiiddo sika oheera mutetho woopepesella nipuro naweellesesa ekaamba ya oripihiwa wa Aisraele, ohiiwellella wiwa nave machimwiiwa mattheene. Eere emoddamoddave yeeyo ni mapuro mamodda mattheene a musasa wamutthukumano wookhalla variyari va machimwiiwa.

Levitiko 4:18

Vatulli viwa nikhamenno animare va manyaka a va nikuwa nno niri vamiitthoni va Apwiya m'musasani wamutthukumano. Nikhame noohalla aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Eksodo 30:10

Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”

Aheberi 2:11

Annaweelliha athu o machimwiiwa nave olliye vamodda ni ooweellihiwaayo, Attiitthiiwa tti mmodda. Ella sika ekaambiiwa Yesu ahinawulliweeye muru waaromolla wi tti asinne ni arokoriye.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 16:17

Muhikhalle muthu naari mmodda m'musasani wamutthukumanooyo Aroni aavollowakamo weera mutetho woopepesella nipuro naweellesesa. Muhikhalle muthu ophiyera amallihalle weera mutetho woopepesella machimwaaye, a nibanja naye ni a Aisraele attheene.

Numeri 28:22

Mumuvelleellettho nankhoro a epuri mmodda wi akhalle mukutho waweerella mutetho woopepesella machimwaanyu.

Ezekiele 43:20

Wayiipha okusewo nikhame omarena manyaka masese a va nikuwani embali ddisese dda nttattha waapheella mukhwipi mutthemwene. Sika oneeronipatula ni nikuwanno ni oneelliha.

Ezekiele 43:22

“Waasaka omuvelleelle nankhoro a epuri oohirakalla wi nayeenettho akhalle mukutho woopepesella machimo. Ni nankhoro a epurooyo weellihelle nikuwanno wonanko weerelleewe ni nankhoro a eng'omboolle.

Ezekiele 45:19

Mullupa mukutho akuseke nikhame na mukutho woopepesella nave animare va eferemu ya va mullako wa enyumba ya Apwiya, makona mattheene masese vaddullu va nikuwa ni va eferemu ya va mullako woovollowella mu nipuro namuwari.