Levitiko 16:17 - Mawu a Mulluku

¹⁷ Muhikhalle muthu naari mmodda m'musasani wamutthukumanooyo Aroni aavollowakamo weera mutetho woopepesella nipuro naweellesesa. Muhikhalle muthu ophiyera amallihalle weera mutetho woopepesella machimwaaye, a nibanja naye ni a Aisraele attheene.

Levitiko 16:17 ပူးပေါင်းရင်းမြစ်များ

Luka 1:10

Mulloko muullupalli wa athooyo waari ovekellaka vaatte va enthawi yawoosa mukuthooyo.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Eksodo 34:3

Ohiwe ni arive muthu nave arive muthu ahooneye vamwaangonimvo. Eziweto ddihiche vakhuviru ni mwaangooyo.”

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Aheberi 9:7

Koma mullupa mukutho muullupallive sika avollowa muwari mwa musasa nave eera ddenndda omoddave vamuyakhani. Aanakusa nikhame nno aheraatthiiye wa Mulluku ekaamba ya machimwaaye ni ekaamba ya machimo a athu yeeriiwa moohidduwella.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

1 Timoteo 2:5

Vawi viri Mulluku mmoddave ni namunkhoswe mmoddave variyari va Mulluku ni athu, muthu yoolla tti Khrisitu Yesu,

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Levitiko 16:16

Eeddiiddo sika oheera mutetho woopepesella nipuro naweellesesa ekaamba ya oripihiwa wa Aisraele, ohiiwellella wiwa nave machimwiiwa mattheene. Eere emoddamoddave yeeyo ni mapuro mamodda mattheene a musasa wamutthukumano wookhalla variyari va machimwiiwa.

Levitiko 16:18

Vano akhuma Aronooyo aye onikuwani nno niri vamiitthoni va Apwiya wi eere mutetho woopepesella nikuwanno. Akuse nikhame nimodda na nankhoro a eng'ombe navettho nikhame na epuri wi amare va nirive nnyaka na nikuwanno.

1 Epilli 6:34

mwaana a Elikana, mwaana a Yerohamu, mwaana a Eliyele, mwaana a Towa,