Levitiko 16:13 - Mawu a Mulluku

¹³ Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe.

Levitiko 16:13 ပူးပေါင်းရင်းမြစ်များ

Eksodo 25:21

Munibokosinimmo ahiyemo malluku meelli oolembiwa malamulo a echipangano ayo kinaamuvaheemi. Vano anikhuneelle nibokosinno ni yookhuneelleeyo.

Eksodo 30:1

“Omake nikuwa nawoosellavo lubani* nave nikhalle na matabwa akesha.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 16:18

Sika arive muthu aakusa yoothuwihella mwiisi, ahenllemo mankhalla amunllo owaaka lubani nave iimella va mullako wa musasa wamutthukumano ni Mose ni Aroni.

Numeri 16:7

Muhellemo mankhalla munllo ni lubani osiisello vamiitthoni va Apwiya. Muthu oyo Apwiya enaamutthoolliiwa sika aweelliiwa. Nyuwaano Alevi sika mwaanjenre.”

Levitiko 22:9

Sika allupa mukutho esunge malamulwaaka wi ehichimwe nave ehikhwe ekaamba yooripaha malamulwaayo. Mi tti Apwiya ayo enaapatula.

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Numeri 4:15

Vano Aroni ni Anaaye, emallihalle okhuneella ddekonnddo ni ezipangizo ddiwa ddittheddene athu yaatthaamaka, Akohati sika enaatukhulleke ddenndda koma ehittannye ddeko ddoopatuleya wi ehikhwe. Ddenndda sika ddeko dda m'musasani wamutthukumano nnddo Akohati enaatukhullekiiwa.

Numeri 4:20

Koma ehivollowe mu musasa wamutthukumano wi yawehe naari vang'ono ddeko ddoopatuleya wi ehikhwe.”

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.