Levitiko 16:12 - Mawu a Mulluku

¹² Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani.

Levitiko 16:12 ပူးပေါင်းရင်းမြစ်များ

Levitiko 10:1

Anamwani eelli a Aroni, Nadabu ni Abihu yaakusa yoothuwihella mwiisi wa lubani* ehellamo mankhalla amunllo. Vamankhallanimvo yaahellavo lubani nave yaavelleella wa Apwiya munllo woohaakhullelliwa oyo yahilamuliwiiwa.

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 16:18

Sika arive muthu aakusa yoothuwihella mwiisi, ahenllemo mankhalla amunllo owaaka lubani nave iimella va mullako wa musasa wamutthukumano ni Mose ni Aroni.

Eksodo 31:11

makhura oozozella navettho lubani* na nthuko naphaama na nipuro naweella. Epange ddittheddenenndda moollikana ni mmo kuulamulelleemi.”

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Eksodo 37:29

Aapangattho makhura oopatuleya oozozella navettho lubani na nthuko naphaama wonanko muthu oopanga ddawunkhella.

Aheberi 9:7

Koma mullupa mukutho muullupallive sika avollowa muwari mwa musasa nave eera ddenndda omoddave vamuyakhani. Aanakusa nikhame nno aheraatthiiye wa Mulluku ekaamba ya machimwaaye ni ekaamba ya machimo a athu yeeriiwa moohidduwella.

Yawuupullulla 8:5

Nave mungeloolle aakusa embale ya golideelle avallellamo munllo woovenyera va nikuwa nave ayivokhella va ellapo yavatthi. Nave vaakhalla ogugudeya wa murimu, onyakulla, ettari ni echivomerezi.

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.