Levitiko 15:31 - Mawu a Mulluku

³¹ “Sika mwaachenjeze Aisraele dda oripihiwa wiwa wi ehikhwe ekaamba yaweera machimo ooripiha musasaaka oyo ori variyari vanyu.”

Levitiko 15:31 ပူးပေါင်းရင်းမြစ်များ

Numeri 19:20

“Koma muthu ooripihiwooyo aahiddeelliha avenyihiwe variyari va Aisraele vawi ooripiha nipuro noopatuleya na Apwiya. Olliye tti ooripihiwa ekaamba yawi khemmiddalle maaddi aweellihella.

Ezekiele 5:11

“Ddawoona, mi Apwiya Mulluku Ookumi kinimallupella vamiitthoni vaka wi kineerowoonongani vawi mwaaripiha enyumbaaka ni ddeko ddanyu ddinchichi ddoonanara. Vano ngiweerellani echifundo, nguumorellani ethakaraka naari vang'ono.

Numeri 19:13

Oyo anaattannye mutembo nave aahiddeelliha, muthu yooyo anaripiha musasa wa Apwiya, sika aneerovenyihiwa variyari va Aisraele. Aneerokhallave ooripihiwa ekaamba yawi khamiddiwe maaddi aweellihella.

Ezekiele 23:38

Yaaripihattho nipuro naka naweella nave yaavevulla mallapwaaka a Sabata.

Numeri 5:3

Emuvenyihewo arive muthu awi ddiidda, mullopwana apaalle mutthiyana. Emukhumihelleke otte wa misasa wi ahiripihe misasa ddiwa vawi miyaano kinakhalla variyari va athwaaka.”

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

1 Akorinto 3:17

Sika muthu oononga enyumba ya Mulluku, Mulluku aneeromoononga olliye. Vawi enyumba ya Mulluku tti ya weella nave nyuwaano tti enyumbaaye.

Ezekiele 44:23

Allupa mukutho yaahuddiheke athu ohiyaniha variyari va ddeko ddoopatuleya ni ddeko shisha navettho variyari va ddaweella ni ddooripihiwa ovelleelliwa mukutho.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

Masalimo 66:18

Kadduwenlleke yoonanara m'murimani mwaka nave kiyivittha, Apwiya kheyaakiiwellelle.

Deuteronomo 24:8

“Yuumorellani ereta ya makate, mooneseseke wi munnathwara malangizo mattheene ayo kiwinnyalleemi allupa mukutho Aalevi ayo enuulleelleewani.

Levitiko 21:23

Koma ahiwe vakhuviru ni ekatani apaalle osusera va nikuwa kaambiiwa oorakalla woova wi anaaripihe ddeko ddaka ddaweellihiwa oopatuleya. Vawi mi tti Apwiya ayo yapatulalle ddeko ddenndda.”

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 19:30

Musunguke Nllapo naka Sabata ni oriiha nipuro naka naweella. Mi tti Apwiya.

Levitiko 13:59

Nenno tti lamulo na enguwi yookhalla va yoowara ya mapururu, yabafuta, ekuwo yamapururu, yabafuta apaalle va erive ello yoopangiwa ni nttapara wi muhiyaniheke variyari va ello yooripihiwa ni yaweellihiwa.

Levitiko 11:47

wi muhiyaniheke ddeko ddooripihiwa ni ddaweellihiwa navettho va ddookumi munaakhullelliweenyu oddicha ni nnddo muhinaakhullelliweenyu oddicha.

Levitiko 15:32

Nenno tti lamulo noollota dda mullopwana oyo anakhumiha marohi mukhoveni mwaye, oyo anatathilla ellopwanaaye eyo enamutthattusa ooripihiwa,

1 Samuele 3:14

Vano kinimallupella wi mullatu wa vanibanjani vaye khomalla. Naari avelleelle mukutho ni ddoovelleella ddimodda.”

Ezekiele 36:17

“We mwaana a muthu, Aisraele yakhalliiwa mwiillaponi mwiwa yaayiripiha ni makhallellwiiwa navettho ddaweera ddiwa. Kahoona wi makhallellwiiwa yaari oonanara va mallapello wonanko mutthiyana ari omweerini.