Levitiko 15:27 - Mawu a Mulluku

²⁷ Arive muthu anaaddittannye ddennddo aneerokhalla ooripihiwa ophiyera misikuwa. Vano achape ddoowara ddaye nave ahape koma aneerokhalla ooripihiwa ophiyera misikuwa.

Levitiko 15:27 ပူးပေါင်းရင်းမြစ်များ

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Ezekiele 36:29

Kineerewuuvullusani o ddittheddene ddawuuripihani. Kineerewuuruuwihellani tirigwaanyu nave ngiwa kuumorihellani ettalla.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Levitiko 15:21

Arive muthu oyo anaamuttannye bedaayooyo achape ddoowara ddaye nave ahape koma aneerokhalla ooripihiwa ophiyera misikuwa.

Levitiko 15:13

“Muthu ookhumiha marohooyo oona wi oochirihiwa, eerenge mallapo matthanu ni meelli a weellihiwa nave achape ddoowara ddaye, ahape vaneetuutuni nave aneerokhalla aweellihiwa.

Levitiko 15:26

Arive bedi oyo mutthiyanooyo anaamukonelleeye enthawi eyo anatathilleeye nikhame, aneerokhalla ooripihiwa. Nave ddittheddene anaakeraatthelleeye ddineerokhalla ddooripihiwa, wonanko mmo ddinakhallelliiwa ddooripihiwa olliyooyo aawoonaka mweeri.

Levitiko 15:28

Ahiya otathilla nikhame wayenko, mutthiyanooyo eerenge mallapo matthanu ni meelli nave vatulli viwa aneerokhalla aweellihiwa.

Levitiko 11:24

“Vano arive muthu ooddittannya aneeroripihiwa nave arive muthu ooddittannya ddikhwille akhalleke ooripihiwa ophiyera misikuwa.

Numeri 19:22

Erive ello eyo muthu ooripihiwooyo anaattannyeeye eneerokhalla yooripihiwa. Nave arive muthu oottannya yeeyo aneerokhalla ooripihiwa ophiyera misikuwa.”