Levitiko 15:15 - Mawu a Mulluku

¹⁵ Mullupa mukutho aheraatthi ddennddo, nimodda nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya.

Levitiko 15:15 ပူးပေါင်းရင်းမြစ်များ

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Numeri 15:25

Mullupa mukutho eere mutetho woopepesella machimo a Aisraele attheene nave athwaayo eneerokhululukelliwa ekaamba yawi yachimwalle moohidduwella nave wi yaawa wa Apwiya ni ddoovelleella ddiwa dda mukutho wawoosiwa viikho navettho mukutho woopepesella machimo wi yaapepeselle machimwiiwa.

Levitiko 12:7

Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Vaavo mutthiyanooyo aneerokhalla aweellihiwa o oripihiwa waye. Nenna tti lamulo na mutthiyana oomuyara mwaana aamullopwana apaalle aamutthiyana.

Levitiko 4:35

Vano avenyihe makhuriiwa mattheene, wonanko mmo enaavenyihelliiwa makhura eenkhosa yoovelleelliwa mukutho wa eyaattano nave ashellellihe vanikuwani ni mikutho ddimodda ddawoosiwa viikho, ddoovelleelliwa wa Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:20

Eere ello emoddamoddave yeeyo wa nankhoro yoolla wonanko mmo aneerelleeye ni nankhoro ooheraatthiwa va mukutho woopepesella machimo. Sika aheraatthi mukutho woopepesella machimo ekaamba ya nichimo aathwaayo nave eneerokhululukelliwa.

Levitiko 11:24

“Vano arive muthu ooddittannya aneeroripihiwa nave arive muthu ooddittannya ddikhwille akhalleke ooripihiwa ophiyera misikuwa.

Levitiko 11:25

Arive muthu atukhulla erive echiwalo ya enama ddookhwannddo, achape ddoowara ddaye komave aneerokhalla ooripihiwa ophiyera misikuwa.

Levitiko 11:27

Variyari va enama dda meto misese, enama ddookhalla ni eyaalla omanyalloni, tti ddooripihiwa wa nyuwaano nave arive muthu ooddittannya ddikhwille akhalla ooripihiwa ophiyera misikuwa.

Levitiko 11:28

Nave muthu anatukhulla enamanndda ddikhwille, achapeke ddoowara ddaye komave aneerokhalla ooripihiwa ophiyera misikuwa. Ddenndda tti ddooripihiwa wa nyuwaano.

Levitiko 11:31

Ddenndda tti ddooripihiwa wa nyuwaano variyari va ddawaapadda ddittheddene. Arive muthu ooddittannya ddenndda ddikhwille aneerokhalla ooripihiwa ophiyera misikuwa.

Levitiko 11:32

Nave enama ddenndda ddakhwa nave ddamorella va erive ello, ellweeyo eneerokhalla yooripihiwa, khaya tti yamuteekho, yeekuwo, yanttapara, yeechiguduli apaalle erive echipangizo yoopharihella orive mutteko. Ellweeyo eyiruweye m'maaddini koma eneerokhallave yooripihiwa ophiyera misikuwa. Vatulli viwa eneerokhalla yaweellihiwa.

Levitiko 11:39

“Muthu attannya enama yookhwa, eyo eri yawaakhullelliwa ocha, muthooyo aneerokhalla ooripihiwa ophiyera misikuwa.

Levitiko 11:40

Nave muthu acha enameeyo achape ddoowara ddaye koma akhalle ooripihiwave ophiyera misikuwa. Nayeenettho oyo anaatukhulle enama yookhweeyo achape ddoowara ddaye koma aneerokhalla ooripihiwa ophiyera misikuwa.

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”