Levitiko 14:7 - Mawu a Mulluku

⁷ Vano mullupa mukutho amidde otthanu ni opiilli va muthu oyo anaaka eellihiwe makataayo. Amweera oovoriiwooyo wi oheellihiwa, ayihiye epallame evaveke.

Levitiko 14:7 ပူးပေါင်းရင်းမြစ်များ

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yesaya 52:15

Emoddamoddavettho athu a mitundu ddittheddene eneerottikhina, naari mamwene eneerorama yoollota, vawi ddeko ehinalleelliwekiiwa eneeroddoona, ddeko ehiniiwekiiwa eneeroddiiwesesa.”

2 Mamwene 5:14

Sika Naamani aakitthella o Yordani akhumbudda m'maaddinimmo otthanu ni opiilli monga namallotella alamulelleeye. Vaavo aachira nave mwiillaaye waakhalla wonanko wa mwaana, sika aachirihiwa.

2 Mamwene 5:10

Elisha aamurumihella amithenga oyo amulleelle wi, “Khawe wahape m'muhinjeni wa Yordani otthanu ni opiilli nave muneerochira ni weellihiwa.”

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Aheberi 9:19

Mose ahaalleella athu ddittheddene nnddo malamulo yallotiiwa wi yeereke. Vano aaphariha mutteko mapururu oofiira oomakellelliwa o ekopo ya hisope* wi aamidde athwaalle owaaka nibukhu na malamulonne nikhame na eng'ombe ni na epuri owaaka maaddi.

Aheberi 9:13

Moollikana ni malamulo a Mose, athu oochimwa kheyaakhullelliwa omullapella Mulluku. Yeeriwa aweella yamiddiwa nikhame na epuri ni na eng'ombe owaaka ntuura na mwaana a eng'ombe yooheraatthiwa mukutho.

1 Yohane 5:6

Yesu Khrisitu sika aawiille ni maaddi a obatizwaaye ni nikhame na okhwa waye. Khaawiille ni maaddive koma ni maaddi ni nikhame. Nave Munepa Waweella yeekhaaye annavelleella omboni wi nndda tti ddawoona kaambiiwa Munepooyo tti awoona.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Aheberi 9:26

Khrisitu iiheraatthiki mukutho orive muyakha ddaano ahoowaka orive muyakha ovenyera mvo ellapo yavattheella yaphatuselliwiiwa. Koma vano akhwille omoddave waatamella o omamallihello wa ellapo yavatthimva wi iiheraatthi mwaneenaaye mukutho woohuwa machimo.

Aheberi 9:21

Mose aamiddattho nikhame musasa woollapellamo ni erive ello yapharihiwe mutteko voollapellani.

Yohane 19:34

Nave mmodda a akhotwaayo aahoma epararu ya Yesu ni nivaka nave enthawi yeeyo mwaakhuma nikhame ni maaddi.

Mika 7:19

Muneeroneerellattho echifundo Muneeronyingallella vatthi machimwaahu ni otathillella mu enyanja yoowallamella.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Levitiko 16:22

Epureeyo yiireye machimwiiwa mattheene nave eyeekena ochipululuni. Muthooyo ayihiya epureeyo wi eye ochipululuni,

Levitiko 16:19

Amidde nikhame nimodda vaddullu va nikuwanno ni eyaallaaye otthanu ni opiilli wi anipatule ni oneelliha voovenyihani oripihiwa wa Aisraele.”

Levitiko 16:14

Vatulli viwa akuse nikhame nimodda na eng'ombeeyo, amidde ni eyaallaaye va yookhuneella ya nibokosi na echipangano embali ya wookhuma nndduwa. Navettho amidde nikhame otthanu ni opiilli ni eyaallaaye vatthi vahoollo va yookhuneelleeyo.

Levitiko 14:51

Mullupa mukutho akuse epallame ekumeelle ni enthambi ya mukunguzoolle, ekuwo yoofiireelle owaaka enthambi ya hisopeelle. Ddittheddenennddo addiruweye munikhameni na epallame yiiphelliwe vaddullu va embale ya maaddi oovenyera mu maaddi aweeta nave amidde enyumbeeyo otthanu ni wiilli.

Levitiko 13:17

Vano mullupa mukutho amuwehesese. Makhwataayo yakhalla wi aatthattuwa aweella mullupa mukuthooyo amweere oovoriiwooyo wi tti aweellihiwa. Yooyo tti aweellihiwa.

Levitiko 13:13

mullupa mukuthooyo awehesesettho. Makataayo yakhalla wi aaphara mwiilli muttheene, oovoriiwooyo amweere wi tti aweellihiwa. Mwiilli muttheene otthattuwe waweella nave muthooyo tti aweellihiwa.

Levitiko 8:11

Aamidda makhura mamodda olendo otthanu ni opiilli vanikuwani nave aazoza nikuwanno ni ezipangizo ddiwa ddittheddene nave aaddipatula. Aazozattho ebeseni yoonawellamo ni voohiyavo ebeseneeyo nave aaddipatula.

Levitiko 4:17

Mullupa mukutho muullupallooyo atthaveye eyaallaaye munikhamenimmo nave amidde nikhamenno otthanu ni opiilli vamiitthoni va Apwiya vahoollo va ekatani.

Levitiko 4:6

Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

Numeri 19:12

Ahape ni maaddi aweellihellaalle va nllapo naneeraru ni naneetthanu ni piilli nave aneeroweellihiwa. Koma aahihapa va nllapo naneeraru ni va nllapo naneetthanu ni piilli, kheella.