Levitiko 14:12 - Mawu a Mulluku

¹² Mullupa mukutho amukuse mmodda a anankhoro anamwani ankhosa ni omuvelleella wi okhalle mukutho woolliva nimakhuraalle. Additukhullelle muddullu wi ddikhalle ddoovelleella ddootukhullella muddullu vamiitthoni va Apwiya.

Levitiko 14:12 ပူးပေါင်းရင်းမြစ်များ

Eksodo 29:24

Ddoocha ddittheddenenndda oddihiye m'mattani mwa Aroni ni mwa anaaye nave alliwaayo eyitukhullelle muddullu wi ddikhalle yoovelleella yootukhullella muddullu wa miyaano.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Eksodo 29:22

“Okusewo makhura a nankhoro a enkhosa, makhura mattheene a omwiillani, a vamaruponi, a voohapani, a vaapellepetuni ni mweto wamutulli wonnattanatta kaambiiwa enkhosa yeella tti mukutho wa va mutetho woozozella.

Eksodo 29:26

“Okuse ekhakadda ya nankhoro a enkhosa yoomuzozella Aroni nave oyitukhullelle muddullu ekhalle yoovelleella yootukhullella muddullu wa miyaano. Yeella sika enaakhalle echigawaawo.

Levitiko 14:10

“Va nllapo naneetthanu ni raru, muthooyo aakuse anamwani a nankhoro a enkhosa eelli oohirakalla, mwaanaankhosa aamutthiyana mmodda oohirakalla amuyakha mmodda, yoovelleella ya othu waphaama woollemella makilogaramu mararu woottakanyihera ni makhura navettho makhura ookwakhwana nimodda mwa magawo mararu a nilita.

Levitiko 14:11

Mullupa mukuthooyo amwiimese muthooyo ari ni ddoovelleella ddaye ddittheddene vamiitthoni va Apwiya, va mullako wa musasa wamutthukumano.

Levitiko 14:19

Vatulli viwa mullupa mukutho avelleelle mukutho woopepesella machimo wi eere mutetho woomupepesella machimo muthu wi eellihiwe makataayaalle. Vano mullupa mukutho iiphe enama yoovelleellella mukutho wooshellelliha.

Levitiko 5:15

“Muthu eera ddeko moohiroromelleya, voohivelleellani ddeko ddoopatuleya ddoophwanella ovelleella wa Apwiya koma moohidduwella, avelleelle wa Apwiya mukutho woolliva ekaamba ya nichimo nayenno. Mukuthweene okhalle nankhoro a enkhosa yoohirakalla nave mutengo wa enkhoseeyo okhalle wa makobiri manchichi, voothwarani yoolingella yoopatuleya. Yooyo sika mukutho woolliva.