Levitiko 14:10 - Mawu a Mulluku

¹⁰ “Va nllapo naneetthanu ni raru, muthooyo aakuse anamwani a nankhoro a enkhosa eelli oohirakalla, mwaanaankhosa aamutthiyana mmodda oohirakalla amuyakha mmodda, yoovelleella ya othu waphaama woollemella makilogaramu mararu woottakanyihera ni makhura navettho makhura ookwakhwana nimodda mwa magawo mararu a nilita.

Levitiko 14:10 ပူးပေါင်းရင်းမြစ်များ

Levitiko 2:1

“Arive muthu aawaaka wa Apwiya wi avelleelle mukutho wa othu, mukuthooyo okhalle wa othu waphaama. Othooyo awuhelle makhura ni lubani,*

Luka 5:14

Vano Yesu aamulamula wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Mariko 1:44

“Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Mateyu 8:4

Vano Yesu aamulleella wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Levitiko 14:21

Koma muthu oovoriiwooyo akhalla oohoowa, aahikhallana ddittheddenennddo, amuvelleelle nankhoro a mwaanaankhosa ayivelleelle mootukhullella muddullu wi okhalle mukutho woolliva wa mutetho woomupepesella machimo. Avelleellettho nikilogaramu nimodda na othu waphaama woottakanyihera ni makhura wi okhalle mukutho wa othu ni makhura ookwakhwana echigawo emodda ya magawo mararu a lita.

Levitiko 14:15

Mullupa mukutho arike makhura vang'ono, ahelle onnattani nawuunyotthoni naye.

Levitiko 14:12

Mullupa mukutho amukuse mmodda a anankhoro anamwani ankhosa ni omuvelleella wi okhalle mukutho woolliva nimakhuraalle. Additukhullelle muddullu wi ddikhalle ddoovelleella ddootukhullella muddullu vamiitthoni va Apwiya.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

Yohane 6:51

Mi tti buledi oovaha okumi, yooyo aakitthalle ovenyera oddullu. Muthu amucha buledi yoolla, aneerokhalla ni okumi woohimalla. Nave buledi oyo kinamuvaheemi wi athu a va ellapo yavatthi ekhalle ni okumi, tti mwiillaaka.”

Yohane 6:33

Vawi buledi anavelleelliwa ni Mulluku tti miyaano kikitthalle ovenyera oddullu nave kinavaha okumi va ellapo yavatthi.”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Numeri 28:20

Mukutho wa othu okhalleke wa othu waphaama woottakanyihera ni makhura wookwakhwana makilogaramu mararu va erive eng'ombe. Muvelleellettho othu waphaama woottakanyihera ni makhura wookwakhwana makilogaramu meelli va arive nankhoro a enkhosa

Numeri 6:14

nave olliye avelleelle mikutho wa Apwiya. Amuvelleelle nankhoro a mwaanaankhosa a muyakha mmodda oohirakalla wi akhalle mukutho wooshellelliha, enkhosa yaamutthiyana yoohirakalla wi ekhalle mukutho woopepesella machimo nave nankhoro a enkhosa yoohirakalla wi ekhalle mukutho wa eyaattano.

Levitiko 23:13

Mukutho wa othu waphaama ni enkhoseeyo okhalle makilogaramu meelli a othu waphaama woottakanyihera ni makhura wi okhalle mukutho wawoosiwa viikho, wa nthuko nawaaddivella Apwiya. Nave muvelleelle mukutho wayoowirya yookwakhwana lita nimodda ni enkhoseeyo.

Levitiko 9:1

Va nllapo naneetthanu ni raru Mose aamwiithana Aroni ni anaaye owaaka oohoollella a Aisraele.

Levitiko 4:32

“Muthu awa wi avelleelle enkhosa ya mukutho woopepesella machimo, enkhoseeyo ekhalleke yaamutthiyana, yoohirakalla.

Levitiko 2:13

Mukuthwaaye wa othu awuhelleke mwiinyu vawi mwiinyooyo onnooniha echipangano ya variyari va olliye ni Mullukwaaye. Sika ahelleke mwiinyu mikutho ddaye ddittheddene.

Levitiko 2:11

“Mukutho wa othu oyo onaavelleelleewe wa Apwiya ohikhalle ni yisiti vawi khewawaakhullelliwa ovelleella wa Apwiya mukutho wawoosiwa viikho oyo ori ni yisiti apaalle enwi.

Levitiko 1:10

“Mukutho wooshellellihooyo wakhalla wa enkhosa apaalle epuri, akhalleke nankhoro oohirakalla.

Eksodo 29:40

Vamodda ni mwaanaankhosa awaambooyo, ovelleelleke ekilogaramu emodda ya othu waphaama woottakanyihera ni lita nimodda na makhura. Navettho wiithellelle lita nimodda na vinyo wonanko mukutho wayoowirya.

Levitiko 14:11

Mullupa mukuthooyo amwiimese muthooyo ari ni ddoovelleella ddaye ddittheddene vamiitthoni va Apwiya, va mullako wa musasa wamutthukumano.

Numeri 7:43

Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.