Levitiko 13:45 - Mawu a Mulluku

⁴⁵ “Muthu amakatooyo aware matapwata nave ahicheme meehaaye, akhuneelle eyano nave akhuweke wi, ‘Kooripihiwa, kooripihiwa.’

Levitiko 13:45 ပူးပေါင်းရင်းမြစ်များ

Mika 3:7

Oollotella ddamuhoollo eneerowulliwa muru nave awoombesa eneerovevulliwa. Attheene eneeromaalleya kaambiiwa Mulluku khanawaakhulla.

Levitiko 10:6

Vano Mose aamulleella Aroni ni anaaye Eleazara ni Itamara wi, “Muhinakhalla oohipesa apaalle waahulla ddoowara ddanyu wooniha ethakaraka, woova wi munaakhwe navettho wooviha wi Apwiya eneerewaashella murima athu attheene. Koma Aisraele akhwiinyu sika enawinlle ekaamba ya munllo oyo Apwiya yaashellellihalliiwana Nadabu ni Abihu

Ezekiele 24:17

Wiipullelle koma yamuwariwari, ohinoopa ekutho. Oware enduwiraawo ni esapato ddawo. Ohikhuneelle owiitthoni apaalle ocha yoocha ya anaamukhwelle.”

Maliro 4:15

Athu yaanaakhuwella wi, “Khaweni nko! Ooripihiwanyu, muhinittannye!” Sika yaathawa, eneeteeta, nave athu a mitundu ddimodda yaallota wi, “Ehikhallettho ni hiyaano.”

Luka 17:12

Avolloweeye m'muzi mmodda aawoona allopwana khumi athu amakate yiimenlle voorekamella.

Ezekiele 24:22

Koma nyuwaano muneereweera wonanko keerelleemi. Khamukhuneella owiitthoni apaalle ocha yoocha ya anaamukhwelle.

Levitiko 21:10

“Muthu oyo ari mullupa mukutho muullupalli oyo yamuzozilliiwa ni makhura navettho oyo apatuliwe wi aware ddoowara dda ddoopatuleya ahikhalle oohipesa apaalle waahulla ddoowara ddaye wooniha ethakaraka.

Luka 5:8

Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Masalimo 51:3

Ddoolakwa ddaka kinnaddidduwella, machimwaaka eri vamiitthoni vaka enthawi ettheene.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Yeremiya 36:24

Komave naari mwene apaalle mmodda a enduna ddaye yiiwalle mawaalla, khaavo ooville apaalle waahulla ddoowara ddaye.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

2 Samuele 13:19

Vano Tamara ahiihella ntuura omuruni aahulla yoowara eyo awarilleeye. Nave aaphara muru anarowa inllaka mookhuwa mawu musewu muttheene.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Levitiko 13:44

sika wi muthooyo tti ooripihiwa. Mullupa mukutho amweere wi tti ooripihiwa vawi ookhalla ni makate a m'muruni.

2 Mamwene 7:3

Enthawi yeeyo vaakhalla athu asese amakate ayo yakhalla voovollowella. Alliwaayo yahaamba okohana wi, “Kaambiiwa tini nikeraatthelleehu mva ninatiyerella okhwa?

Numeri 5:2

“Alamule Aisraele wi emuvenyihemo arive muthu amakate, arive muthu ookhuma ddoonanara m'mwiillini mwaye navettho arive muthu aniiripiha voottannyani mutembo.