Levitiko 12:3 - Mawu a Mulluku

³ Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya. Nave va nllapo naneetthanu ni raru mwaanooyo aphaddiwe.

Levitiko 12:3 ပူးပေါင်းရင်းမြစ်များ

Luka 2:21

Viviralle mallapo matthanu ni mararu, enthawi yaakwakhwana yawi mwaanooyo aphaddiwe nave aavahiwa nnddina nawi Yesu. Nnddina nenna avahiwe ni mungelo, Mariya ahinakhalle ni erukullu.

Luka 1:59

Nave mwaanooyo aariiye ni mallapo matthanu ni mararu, yaawa wi yoonelle ophaddiwa waye nave yapaalla omuvaha nnddina naattiitthinnya Zakariya.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

Afilipi 3:5

Miyaano kayariweemi kaaphaddiwa va nllapo naneetthanu ni raru. Mi tti Muisraele a nlloko na Benjamini, Muheberi ooyariwa mwa Aheberi. Moollikana ni malamulo a Ayuda, miyaano kaari Mufarisi.*

Agalatiya 5:3

Wiillittho, kinamuchenjeza arive muthu anapaalla ophaddiwa wi anaphwanella wiiwellella malamulo mattheene.

Agalatiya 3:17

Eyo kinaakeemi tti yawi Mulluku aheera echipangano ni Abrahamu. Malamulo ayo yavahiwe ddiviralle miyakha 430, kheyeeriha wi echipanganweeyo etathille apaalle woononga lonjezo na Mulluku.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Mitteko 15:1

Athu amodda oovenyera o Yudeya yaaya o Antiyokeya* yaamba waahuddiha athu ookhulupilila wi, “Mwaahiphaddiwa moollikana ni malamulo a Mose khamuwora ovullusiwa.”

Eksodo 22:30

Ovelleellekettho wa miyaano eng'ombe ddawo, enkhosa ddawo ni epuri ddawo ddawaamba. Mwaana awaambooyo anaakhalle ni amennya mallapo matthanu ni meelli nave oneeromuvelleella wa miyaano va nllapo naneetthanu ni raru.

Levitiko 12:4

Mutthiyanooyo atiyere wa mallapo mamodda 33 wi eellihiwe o oripihiwa waye. Ahinattannya erive ello aweella nave ahiye onipuroni naweella ophiyera mallapo aweellihiwa emanlle.

Levitiko 15:3

Lamulo niwa na wiiripiha ni ddooripihiwa ddookhuma mukhoveni mwa mullopwana tti nawi, mukhovenimmo mwaakhumakave marohi, khaya eneerohiya komave mullopwanooyo tti ooripihiwa.