Levitiko 11:7 - Mawu a Mulluku

⁷ Nave ekumba tti yooripihiwa wa nyuwaano kaambiiwa naari manyallwiiwa eri ookawaneya khenajikulla.

Levitiko 11:7 ပူးပေါင်းရင်းမြစ်များ

Yesaya 66:17

Apwiya enallota wi, “Ayo eniipatulla ni oddeelliha weekhiiwa vooyaani o emata ddiwa ddoopatuleya nimodda ni oohoollelliiwa, ennacha enama yeekumba, emete ni ddooripiha ddimodda, attheenaalla enaamallelle nimodda.

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yesaya 65:4

Mahiiyu ennaseddera o mahame ni o mapuro awiipittheya nave ennacha enama ya ekumba ni owirya ephwaddi ya enama ddoovelleelliwa mikutho ddeelleto.

Deuteronomo 14:8

Nave ekumba tti yooripihiwa wa nyuwaano kaambiiwa naari akokotokwiiwa eri ookawaneya khenajikulla. Muhicheke enama ddenndda nave muhiddittannyeke ddakhwa.

Luka 15:15

Vano aaya wa muthu mmodda a mu ellapo yeeyo wi apharekewo mutteko. Muthooyo aamurumiha woochiha ekumba ddaye.

Luka 8:33

Sika ddaakhuma mwa muthooyo ddavollowa mu ekumbannddo. Vano ekumbannddo ddaathamaka ni okitthella munyanjanimmo nave ddaamorellamo ddipwina m'maaddinimmo.

Mateyu 7:6

“Muhaavaheke anapwa ddeko ddaweella, woova wi ttuurukunuwa ni wuullumani. Navettho muhinavokhella ddeko ddanyu ddoowallamella mutengo vahoollo va ekumba kaambiiwa ddineeronyingallella ni manyallwiiwa.

Levitiko 11:3

Enama ddittheddene ddookhalla ni akokotokwa ookawaneya nave ddoojikulla sika munnaakhullelliweenyu oddicha.

Levitiko 11:8

Enama ddenndda muhiddicheke nave ddakhwa muhiddittannye. Ddenndda tti ddooripihiwa wa nyuwaano.”