Levitiko 11:44 - Mawu a Mulluku

⁴⁴ Mi tti Apwiya Mullukwaanyu. Vano muddeellihe nave mukhalle aweella vawi mi tti aweella. Muhiiripihe ni erive ello yawaapadda.

Levitiko 11:44 ပူးပေါင်းရင်းမြစ်များ

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Levitiko 19:2

aalleelle Aisraele attheene wi, “Khallani aweella kaambiiwa mi Apwiya Mullukwaanyu tti aweella.

Levitiko 20:7

Sika vano muddeellihe nave mukhalle aweella vawi mi tti Apwiya Mullukwaanyu.

1 Atesalonika 4:7

Mulluku khaaniithanne wi neereke ddooraruwa koma ddaweella.

Levitiko 20:26

Mukhalleke aweella vamiitthoni vaka vawi miyaano tti aweella nave kohuupatulani variyari va athu attheene wi mukhalle athwaaka.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Levitiko 21:8

Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella.

Deuteronomo 14:2

Nyuwaano moopatulelliwa wa Apwiya Mullukwaanyu vawi yahuutthoollani variyari va mitundu dda athu ddittheddene dda ellapo yavatthi wi mukhalle yoohallaniiwa.”

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Eksodo 23:25

Mwaallapelleke Apwiya Mullukwaanyu wi kuudaliseni vawuuvahani yoocha ni maaddi nave kineerewuuchirihani ereta ddittheddene.

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

Yesaya 43:3

Mi tti Apwiya Mullukwaawo, Aweella a Israele, Oovullusaawo. Kinamvelleella Iguputo voowoopollani weyaano, kinamvelleella Kushi ni Seba munipuroni mwa weyaano.

1 Samuele 6:20

Vano athu a o Beteshemeshi yaallota wi, “Ttaani anaawore wiimella vamiitthoni va Apwiya Mulluku Aweella? Nave nibokosi na echipanganonna ninaaye wuuwi wi nivenyewo wuno?”

Levitiko 11:43

Muhiiripihe ni erive yawaapadda, muhiiripihena.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Amosi 3:3

“Ethiyo athu eelli ttuuweeta nimodda ehinapangane?

Yesaya 51:15

“Mi sika Apwiya Mullukwaanyu, oyo anaviddulla enyanja wi mafundiiwa onyakulla, nnddina naka tti Apwiya Amasiva Mattheene.

Eksodo 16:12

“Kohiiwa okhupanya wa Aisraele. Nave alleelle wi, ‘Misikuwa muneerekoocha enama nave ohinase muneerekomucha buledi ookwakhwanella, sika muneerodduwella wi mi tti Apwiya Mullukwaanyu.’ ”

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Eksodo 22:31

“Okhalle muthwaaka oopatuleya. Sika ohicheke enama yoottakhuniwa ni enama ddamuhakani koma waavahereke anapwa.

Levitiko 18:2

aalleelle Aisraele wi, “Mi tti Apwiya Mullukwaanyu.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Numeri 15:40

Mwawi ddiidda muneerekewuupuwella ni wiiwellella malamulwaaka mattheene wi mukhalle aweella vamiitthoni va Mullukwaanyu.

Eksodo 22:30

Ovelleellekettho wa miyaano eng'ombe ddawo, enkhosa ddawo ni epuri ddawo ddawaamba. Mwaana awaambooyo anaakhalle ni amennya mallapo matthanu ni meelli nave oneeromuvelleella wa miyaano va nllapo naneetthanu ni raru.

Levitiko 19:4

Muhinahokollweella o mafano apaalle wiipangella milluku dda mikoko. Mi tti Apwiya Mullukwaanyu.”

Levitiko 19:10

Muhinahataka mpesa muttheene m'matani mwanyu nave muhinuurullakamo mpesa woomora m'matani mwanyu. Ddennddo mwaahiyere athu oohoowa navettho alleto. Mi tti Apwiya Mullukwaanyu.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.