Levitiko 11:32 - Mawu a Mulluku

³² Nave enama ddenndda ddakhwa nave ddamorella va erive ello, ellweeyo eneerokhalla yooripihiwa, khaya tti yamuteekho, yeekuwo, yanttapara, yeechiguduli apaalle erive echipangizo yoopharihella orive mutteko. Ellweeyo eyiruweye m'maaddini koma eneerokhallave yooripihiwa ophiyera misikuwa. Vatulli viwa eneerokhalla yaweellihiwa.

Levitiko 11:32 ပူးပေါင်းရင်းမြစ်များ

Levitiko 15:12

Erive echipangizo yeethaya eyo muthu mullopwanooyo anaayittannyeeye, epwesiwe nave erive echipangizo yamuteekho eyihuwe.

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Levitiko 6:28

Vano apwese epalli aapeyilleeyemo enameeyo. Koma aapeya musupuliyani ahuwe nave attulluse ni maaddi.

Levitiko 11:31

Ddenndda tti ddooripihiwa wa nyuwaano variyari va ddawaapadda ddittheddene. Arive muthu ooddittannya ddenndda ddikhwille aneerokhalla ooripihiwa ophiyera misikuwa.

Levitiko 14:46

Nave muthu oyo anaavollowe mpammo ewalliwe ddiiddo aneerokhalla ooripihiwa ophiyera misikuwa.

Levitiko 15:15

Mullupa mukutho aheraatthi ddennddo, nimodda nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya.

Levitiko 16:26

Vano muthu iikarihelle epuri wa Azazeloolle, achape ddoowara ddaye nave ahape, vatulli viwa avollowe omisasani.

Levitiko 17:15

Arive muthu oocha ello yookhwa weekhiiwa apaalle yoottakhuniwa ni enama yawoopiha yamuhakani naari ari Muisraele apaalle mulleto, achape ddoowara ddaye nave ahape koma akhalleve ooripihiwa ophiyera misikuwa nave vatulli viwa eneerokhalla aweellihiwa.

Levitiko 22:6

Mullupa mukutho aripihiwa aneerokhalla ooripihiwa ophiyera misikuwa nave ahiche ddeko ddoopatuleya ophiyera ahapille mwiilli muttheene.

Numeri 19:7

Vano mullupa mukutho achape ddoowara ddaye nave ahape. Vatulli viwa avollowe m'misasani koma akhalle ooripihiwa ophiyera misikuwa.

Numeri 19:15

Navettho erive echida yoohikhalla ni yookhuneella tti yooripihiwa.