26 Erive enama yookhalla ni manyallo koma oohikawaneya apaallettho yoohijikulla, yeeyo tti yooripihiwa wa nyuwaano nave arive muthu ooyittannya ekhwille aneerokhalla ooripihiwa.
Enama ddittheddene ddookhalla ni akokotokwa ookawaneya nave ddoojikulla sika munnaakhullelliweenyu oddicha.
Arive muthu atukhulla erive echiwalo ya enama ddookhwannddo, achape ddoowara ddaye komave aneerokhalla ooripihiwa ophiyera misikuwa.
Variyari va enama dda meto misese, enama ddookhalla ni eyaalla omanyalloni, tti ddooripihiwa wa nyuwaano nave arive muthu ooddittannya ddikhwille akhalla ooripihiwa ophiyera misikuwa.
Nave ekumba tti yooripihiwa wa nyuwaano kaambiiwa naari akokotokwiiwa eri ookawaneya khenajikulla. Muhicheke enama ddenndda nave muhiddittannyeke ddakhwa.
Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.